Gazdan ýlanýy múmkin: Qyzylorda oblysynda eki bala qaza tapty
Búgin, 11 qyrkúıekte saǵat 7.15-te Shıeli aýdanynyń ortalyǵyndaǵy N. Bekejanov kóshesindegi jer úıde 2017 jáne 2020 jyldary dúnıege kelgen balalar qaza boldy.
«Aldyn ala boljam boıynsha olar tabıǵı gazdan ýlanǵan. Oqıǵa ornyna Tótenshe jaǵdaılar departamenti jeke quramynan 1 qyzmetker bardy. Turǵyndardan gaz peshteri men gaz jabdyqtaryn paıdalaný kezinde qaýipsizdik erejelerin qatań saqtaýyn suraımyz», - dep málim etti Qyzylorda oblystyq tótenshe jaǵdaılar departamentinen.
Eske salsaq, budan buryn Qyzylorda oblysynda qaýyn tıelgen júk kóligi tolyǵymen janyp ketti.
Shıeli aýdanynan Reseıge bet alǵan «Volvo FH» shyqqan júk avtokóliginiń tirkemesi tolyǵymen jandy. Órttiń shyǵý sebebi - tirkemeniń dóńgelegi jarylyp, jel saldarynan ashyq jalyn paıda bolǵan.