Gazben júretin kólikterge belgi salý talaby: Túrkistan oblysynda túsindirý jumystary júrgizildi
"1 qańtardan bastap elimizde QR ST 1412-2017 "Jol qozǵalysyn retteýdiń tehnıkalyq quraldary. Qoldaný qaǵıdalary” ulttyq standartyna tolyqtyrýlar engizildi.
ıAǵnı gaz ballondarymen jabdyqtalǵan avtomobılder "GAS" degen jazýy bar sary teńbúıirli úshburyshtyń sáıkestendirý belgisimen tańbalanýy tıis" delingen habarlamada.
Belgi jabyq parkıngterge kirgen kezde kólik ońaı tanylatyndaı etip ornatylýy qajet. Bul shara qaýipsizdik maqsatynda engizildi.
Osyǵan baılanysty Túrkistan oblysynyń polıtseıleri avtokólik júrgizýshilerin tekserip, túsindirý jumystaryn júrgizdi.
Osylaısha tártip saqshylary oblys ortalyǵynda avtokólikterdi toqtatyp, gaz ballon jabdyǵy bar avtokólik ıelerine taný belgisin ornatý qajettigi týraly aıtty.
Aıta keteıik, buǵan deıin Qazaqstanda gaz ballonymen júretin avtomobılder arnaıy belgi ornatýǵa mindetti bolatynyn jazǵan edik.
Sondaı-aq, ondaı arnaıy belgi endi gazben júretin kóliktermen qatar elektromobılderge de qoıylady.