Gazben qamtýǵa qatysty aryz-shaǵym kóp – Oljas Bektenov

<p>ASTANA. KAZINFORM &ndash; Úkimet basshysy Oljas Bektenov halyqty gazben qamtýda sapaly qyzmet kórsetý qajettigin basa aıtty.</p>

«Úkimetke azamattardan gazben jabdyqtaý máselesine qatysty kóptegen aryz-shaǵym kelip túsip jatyr. Tıisti mekemeler birinshi kezekte, halyqqa sapaly qyzmet kórsetýge jumyldyrylýy qajet. Týyndaǵan problemalardy dereý sheshý kerek. Almaty óńiriniń gazǵa degen qajettilikterin qamtamasyz etý úshin «Almaty-Baıserke-Talǵar» gaz qubyrynyń ekinshi jelisiniń jobasy iske asyrylyp jatyr», - dedi Oljas Bektenov Úkimet otyrysynda.

Premer-Mınıstr gaz qubyrynyń qorǵaý aımaǵynda jekemenshik qurylystardyń bolýyna baılanysty jerlerdi alý qajettigi týyndap otyrǵanyn aıtty.

«Almaty oblysy men Almaty qalasynyń ákimdikterine bul jumysty jedel júrgizýdi tapsyramyn», - deıdi O.Bektenov.