Gazadaǵy qurbandardyń sany 30 myńǵa jýyqtady

<p>ASTANA. KAZINFORM &ndash; 7 qazannan beri Izraıldiń Gaza sektoryna jasaǵan shabýyldary nátıjesinde qaza tapqan palestınalyqtardyń sany 29 878-ge jetti. Taǵy 70 215 palestınalyq jaraqat aldy. Bul týraly &laquo;Anadolý&raquo; agenttigi Palestına densaýlyq saqtaý mınıstrliginiń Gaza sektoryndaǵy málimdemesine súıene otyryp habarlady.</p>

Sońǵy táýlikte anklavtyń taǵy 96 turǵyny ızraıldik shabýyldardyń qurbany bolyp, 172 adam jaraqat alǵan.

Vedomstvonyń málimetinshe, ızraıldik kúshterdiń tosqaýyldarynan dárigerler men qutqarýshylar úıindi astynda qalǵan adamdardyń denesine jete almaı otyr.

Gaza sektorynyń 2,3 mıllıon halqy Izraıldiń jappaı áýe, qurlyq jáne teńiz bombalaýy men eksklavty tolyǵymen qorshaýynyń saldarynan azyq-túlik, sý jáne dári-dármek tapshylyǵynan zardap shegip otyr.

Myńdaǵan ǵımarat, sonyń ishinde aýrýhanalar, meshitter men shirkeýler Izraıldiń áýe jáne qurlyq shabýyldarynan zardap shekti jáne tolyǵymen qırady. Izraılde qurban bolǵandar sany 1200-ge jýyq.

Anyqtama úshin, 2023 jyly 7 qazanda Izraıldiń Shyǵys Ierýsalımdegi ál-Aqsa meshitine basyp kirýine jáne palestınalyqtarǵa qarsy zorlyq-zombylyqtyń kúsheıýine jaýap retinde HAMAS qarýly shabýyl jasady.

Buǵan jaýap retinde Izraıl armııasy Gaza sektorynda ondaǵan joıǵysh ushaqtardyń kómegimen HAMAS-qa qarsy «Temir qylyshtar» operatsııasyn bastaǵanyn jarııalady. 27 qazanda Izraıl armııasy Gazada qurlyq operatsııalaryn bastady.