Gazadaǵy qurbandar sany 44 myńǵa jýyqtady

<p>ASTANA. KAZINFORM &ndash; 2023 jyldyń 7 qazanynan beri Izraıldiń Gaza sektoryndaǵy shabýylynan qaza tapqandar sany 43 712-ge jetti. Bul týraly Gaza sektoryndaǵy Palestına densaýlyq saqtaý mınıstrliginiń málimdemesinde aıtylǵan, dep jazady <a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%B6%D0%B5%D1%80%D1%82%D0%B2-%D0%B3%D0%B5%D0%BD%D0%BE%D1%86%D0%B8%D0%B4%D0%B0-%D0%B8%D0%B7%D1%80%D0%B0%D0%B8%D0%BB%D1%8F-%D0%B2-%D1%81%D0%B5%D0%BA%D1%82%D0%BE%D1%80%D0%B5-%D0%B3%D0%B0%D0%B7%D0%B0-%D0%B4%D0%BE%D1%81%D1%82%D0%B8%D0%B3%D0%BB%D0%BE-43-712-/3392898" target="_blank" rel="noopener">Anadoly.</a></p>

Izraıl shabýyly 404 kún boıy jalǵasyp jatyr. Tek sońǵy 24 saǵatta Izraıl armııasynyń Gaza sektorynyń ártúrli aımaqtarynda jasaǵan «jeti qyrǵyn» nátıjesinde 47 adam qaza tapty. Sonymen qatar, Palestına eksklavynyń 182 turǵyny jaraqat aldy, delingen habarlamada.

2023 jyldyń 7 qazanynan beri Izraıldiń Gaza sektorynda jasaǵan genotsıdiniń saldarynan qaza tapqandardyń jalpy sany 43 712-ge, jaralanǵandar sany 103 258-ge jetti, dep habarlady Densaýlyq saqtaý mınıstrligi.

Qaza tapqandardyń máıitteri áli qıraǵan ǵımarattardyń astynda jáne jol jıekterinde jatyr. Jedel járdem brıgadalary men azamattyq qorǵanys kúshteriniń ókilderi Izraıl kúshteri týdyrǵan kedergilerge baılanysty olarǵa jete almaıdy, dep qosty vedomstvo.

Aıta keteıik, Izraıl qorǵanys mınıstri Hezbollany jeńdik degen bolatyn.