Gazadaǵy qurbandar sany 34 myńnan asty

<p>ASTANA. KAZINFORM &ndash; Palestınanyń Gaza sektoryndaǵy Densaýlyq saqtaý mınıstrliginiń málimdemesinde 2023 jyldyń 7 qazanynan beri Gaza sektorynda Izraıldiń jalǵasyp kele jatqan shabýyldary saldarynan qaza tapqan palestınalyqtardyń sany 34 012-ge jetti. Bul týraly <a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%B6%D0%B5%D1%80%D1%82%D0%B2-%D0%B8%D0%B7%D1%80%D0%B0%D0%B8%D0%BB%D1%8C%D1%81%D0%BA%D0%BE%D0%B9-%D0%B0%D0%B3%D1%80%D0%B5%D1%81%D1%81%D0%B8%D0%B8-%D0%B2-%D0%B3%D0%B0%D0%B7%D0%B5-%D0%B7%D0%B0-196-%D0%B4%D0%BD%D0%B5%D0%B9-%D0%BF%D1%80%D0%B5%D0%B2%D1%8B%D1%81%D0%B8%D0%BB%D0%BE-34-%D1%82%D1%8B%D1%81-/3196838" target="_blank" rel="noopener">Anadolu</a> agenttigi jazdy.</p>

Tek sońǵy 24 saǵat ishinde 42 palestınalyq ızraıldik shabýyldardyń qurbany boldy, taǵy 63 adam jaraqat aldy.

Densaýlyq saqtaý mınıstrligi Izraıldiń 7 qazannan beri jalǵasyp kele jatqan shabýyldary kezinde qaza tapqandardyń jalpy sanynyń 34 012-ge, jaralanǵandar sanynyń 76 833-ke jetkenin atap ótti.

Qaza tapqandardyń deneleri áli qıraǵan ǵımarattardyń qırandylary men jol jıekterinde jatyr. Jedel járdem jáne azamattyq qorǵanys toptary Izraıl kúshteri týdyrǵan kedergilerge baılanysty olarǵa jete almaı otyr.

Izraıl-Palestına qaqtyǵysy

2023 jyldyń 7 qazanynda tańerteń HAMAS áskerleri Izraılge qarsy «Ál-Aqsa» operatsııasynyń bastalǵanyn jarııalady.

Gaza sektorynan Izraılge qaraı myńdaǵan zymyran atylyp, qarýly toptar Izraıl eldi mekenderine kirdi. HAMAS bul operatsııanyń basyp alynǵan Shyǵys Ierýsalımdegi ál-Aqsa meshitine shabýylǵa jáne ızraıldik qonystanýshylardyń palestınalyqtarǵa zorlyq-zombylyqtyń kúsheıýine jaýap retinde jasalǵanyn aıtty.

Buǵan jaýap retinde Izraıl armııasy Gaza sektorynda ondaǵan joıǵysh ushaqtardy paıdalanyp, HAMAS-qa qarsy «Temir qylyshtar» operatsııasyn bastaǵanyn jarııalady, bul odan ári Gaza halqynyń qyrǵynyna ulasty. 27 qazanda Izraıl armııasy Gazada qurlyq operatsııalaryn júrgize bastady.

Gaza sektorynyń 2,3 mıllıon turǵyny Izraıldiń áýe, qurlyq jáne teńizdegi jappaı bombalaýy jáne anklavty tolyǵymen qorshaýynyń saldarynan azyq-túlik, sý jáne dári-dármek tapshylyǵynan zardap shegip otyr.

Myńdaǵan ǵımarat, sonyń ishinde aýrýhanalar, meshitter men shirkeýler de Izraıldiń áýe jáne jerdegi shabýyldarynan zardap shekti nemese tolyǵymen qırady.

Izraılde qaza tapqandar sany 1200-ge jýyq.