Gazadaǵy eń úlken aýrýhana qorymǵa aınaldy - DDU

<p>Dúnıejúzilik densaýlyq saqtaý uıymynyń (DDU) málimdeýinshe, Gazadaǵy eń úlken aýrýhana Ál-Shıfa qorymǵa aınaldy. Kazinform agenttigi bul týraly <a href="https://www.bbc.com/news/live/world-middle-east-67400490/page/2" target="_blank" rel="noopener">BBC</a>-ge silteme jasap habarlaıdy.</p>

Uıymnyń málimetinshe, aýrýhana elektr qýatynyń úzilýi men janarmaı tapshylyǵyna baılanysty kúrdeli qıyndyqtardy bastan keshirýde, bul rette ınkýbatorǵa táýeldi ondaǵan shala týǵan náresteniń taǵdyry ne bolary belgisiz.

Uıym ókiliniń aıtýynsha, shala týǵan náresteler men dıalızge muqtaj 45 naýqas elektr qýatynyń joqtyǵynan tıisti em qabyldaı almaı otyr.

DDU ókili Krıstıan Lındmaıer aýrýhanada 600 naýqas qalyp, qalǵandary onyń dálizderinde jasyrynyp jatqanyn aıtty.

Gazadaǵy dárigerler máıitterdiń aýrýhananyń ishinde de, syrtynda da kóbeıgenin, al Lındmaıer emdeý mekemesiniń zırat sııaqty jumys istep jatqanyn aıtty. Sońǵy kúnderi Gaza qalasyndaǵy aýrýhana mańynda qaqtyǵystar júrip jatyr.

Izraıl premer-mınıstri Bınıamın Netanıahýdyń aǵa keńesshisi Mark Regev HAMAS toby áskerı ınfraqurylymyn aýrýhana astyna ádeıi salǵanyn aıtyp, ony Ál-Shıfa aýrýhanasyn soǵys aımaǵyna aınaldyrdy dep aıyptady. Toptyń ózi bul aqparatty joqqa shyǵarady. Ol, sondaı-aq, Izraıl áskerıleri aýrýhanalardy ádeıi nysanaǵa almaǵanyn rastady.

7 qazanda Hamas tobynyń Gaza sektoryna shabýyldary bastalǵaly 1200 adam qaza taýyp, 200-den astam adam kepilge alyndy.

HAMAS basqaratyn densaýlyq saqtaý mınıstrliginiń habarlaýynsha, sol ýaqyttan beri Gazada 11 myńnan astam adam qaza tapty, onyń 4500-den astamy — balalar.