Gazadaǵy bitim uzartyldy, HAMAS taǵy kepilge alynǵan 11 adamdy bosatty

<p>Izraıl men HAMAS&nbsp; arasyndaǵy bitim 2 kúnge uzartylyp, taǵy 11 adam bosatyldy. Olardyń qatarynda&nbsp; shetel azamattary da bar. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ru.euronews.com/2023/11/27/israel-hamas-ceasefire" target="_blank" rel="noopener">Euronews</a>-ke silteme jasap habarlaıdy.&nbsp;</p>

HAMAS dúısenbi kúni taǵy 11 adamdy bostandyqqa jiberdi, olardyń 3-eýi Frantsııa, 2-eýi Germanııa jáne 6-y Argentına azamattary. Bul týraly soǵysýshy taraptar arasyndaǵy kelissózderde deldal bolǵan Katar Syrtqy ister mınıstrliginiń ókili málimdedi.

Izraıl bosatqan tutqyndar arasynda kámeletke tolmaǵan 30 bala jáne 3 áıel bar.

Izraıl men HAMAS arasyndaǵy seısenbi kúni aıaqtalǵan bitim taǵy eki kúnge, beısenbi kúngi tańǵy saǵat 7-ge deıin uzartyldy.

Kelisim sharttaryna sáıkes, jumadan bastap HAMAS kún saıyn 13 ızraıldik kepilge alynǵan áıelder men balalardy, al Izraıl 39 palestınalyq tutqyndy, onyń ishinde áıelder men jasy 19-ǵa tolmaǵan jastardy túrmeden bosatady.

Izraıl úkimetiniń ókili Eılon Levı jýrnalısterge evreı memleketiniń bıligi HAMAS-qa Gaza sektoryndaǵy bitimgershilikti uzartý múmkindigi ashyq ekenin eskertkenin aıtty.

«Búgingi bostandyqqa shyqqandar leginen keıin taǵy da kepilge alynǵandardy bosatý baǵdarlamasy kúshinde qalady. Ótken aptada Úkimet 300 palestınalyq qatygez qylmyskerdiń boljamdy tizimin bekitti. Kelisimge sáıkes, HAMAS tutqyndardy bosatýǵa kelisse, bul taǵy 50 kepilge alynǵan adamdy bosatý úshin bes kúndik úzilis jasaýǵa múmkindik beredi», - dedi ol.

HAMAS qamaýǵa alǵan 240-qa jýyq tutqynnyń 73-i bosatyldy. Kepilge alynǵan árbir 10 adam úshin bitimgershilikti bir kúnge uzartýǵa kelise otyryp, Izraıl burynǵysha HAMAS-tyń áskerı múmkindikterin joıýǵa nıetti ekenin bildirdi.

Dúısenbi kúni Egıpet pen Gaza sektory arasyndaǵy Rafah shekarasy arqyly gýmanıtarlyq júk kólikteriniń kirýi jedeldedi. Jeksenbi kúni júk kólikteri alǵash ret soltústik sektorǵa keldi.

Áli de HAMAS sodyrlarynyń baqylaýyndaǵy anklavqa kómek aǵynynyń toqtaýy bitimgershiliktiń aıaqtalǵanyn bildirmek.