Gazadaǵy bosqyndar lagerine jasalǵan soqqydan úsh adam qaza tapty

<p>ASTANA.KAZINFORM - Gaza sektorynyń ortalyq bóligindegi Deır-el-Balah qalasyndaǵy palestınalyq bosqyndar lagerine Izraıldiń soqqy berýi saldarynan úsh adam qaza taýyp, taǵy 40 adam jaraqat aldy, dep jazady TASS.</p>

Katarlyq Al Jazeera telearnasynyń habarlaýynsha, shabýyl ál-Aqsa aýrýhanasynyń aýmaǵyndaǵy bosqyndarǵa arnalǵan shatyrly lagerge jasalǵan.

Esterińizge sala keteıik, 7 qazanda HAMAS sodyrlary Izraılge shabýyl jasap, 1200 ızraıldik qaza tapqan qaıǵyly kúnge bir jyl toldy. Odan keıin Izraıl Gaza sektorynda búgingi kúnge deıin ártúrli áskerı operatsııalar jasap keldi. Nátıjesinde 40 myńǵa jýyq palestınalyq pen júzdegen ızraıldik sarbaz qaza tapty.

2024 jyldyń qyrkúıek aıynyń ortasynan bastap Izraıl lıvandyq «Hezbolla» uıymyna qarsy áskerı operatsııasyn kúsheıtti. Jyl boıy shabýyl jasalyp, 18 qyrkúıekte osy uıym ókilderine tıesili peıdjerler men radıoqabyldaǵyshtar jarylǵannan keıin soǵys qımyldary kúsheıdi.

1 qazanda Iran Izraılge zymyrandyq shabýyl jasap, aımaqtyq soǵystyń shyǵý múmkindigin arttyrdy.