Gazadaǵy atysty toqtatý. Izraıl delegatsııasy Qatarǵa bardy

<p>ASTANA. KAZINFORM — Izraıl delegatsııasy Gaza sektorynda kepilge alynǵandardy bosatý jáne atysty toqtatý týraly kelisim boıynsha kelissózder júrgizedi.</p>

Bul týraly Kazinform agenttigi The Times of Israel-ǵa silteme jasap habarlaıdy. 

The Times of Israel aqparat kóziniń habarlaýynsha, Izraıl delegatsııasynyń quramynda TsAHAL, ShABAK jáne Mossad ókilderi bar. 

Buǵan deıin Kan telearnasy Izraıl men HAMAS qazirgi ýaqytta taraptar talqylap jatqan kelisimniń gýmanıtarlyq kezeńi aıasynda kepilge alynǵandardy birtindep bosatý týraly kelisimge kelgenin habarlaǵan.

Deldaldardyń pikirinshe, kepilge alynǵandardy bosatýmen shektelgen mámilege qol jetkizý aqyr sońynda barlyq kepilge alynǵandardy bosatý, soǵysty toqtatý jáne Izraıl áskerlerin shyǵarýdy qamtıtyn tolyq kelisimge ákelýi múmkin. 

Qatar buǵan deıin Izraıl men HAMAS arasyndaǵy deldaldyqty toqtatty.

Aıta keteıik, Izraıldiń Gaza sektoryna jasaǵan áýe shabýylynan 46 palestınalyq qaza tapqany habarlandy.