Gazada kem degende 1,1 mln adamǵa asharshylyq qaýpi tónip tur – BUU

<p>ASTANA. KAZINFORM &ndash; Gaza sektoryndaǵy kem degende 1,1 mıllıon adamnyń azyq-túlik qory taýsylǵan. Olarǵa alapat asharshylyq qaýpi tónip tur. Bul týraly BUU Bas hatshysy Antonıý Gýterrısh Nıý-Iorkte Gaza máselesine arnalǵan baspasóz máslıhatynda <a href="https://www.un.org/sg/en/content/sg/press-encounter/2024-03-18/secretary-generals-press-encounter-gaza" target="_blank" rel="noopener">málimdedi.</a></p>

Álemniń azyq-túlik qaýipsizdigi boıynsha jetekshi sarapshylarynyń pikirinshe, Gazanyń soltústiginde asharshylyq bolady.

– Gazadaǵy barlyq palestınalyqtardyń jartysynan kóbi, ıaǵnı 1,1 mıllıon adamnyń azyq-túlik qory taýsyldy, bul alapat asharshylyq qaýpin tóndirdi. Málimetke súıensek, Gazadaǵy palestınalyqtar óte azapty kúnderdi bastan keshirip jatyr, – dedi Gýterrısh.

Sonymen birge Gýterrısh munyń tolyǵymen tehnogendik apat ekenin jáne ony toqtatýǵa bolatynyn basa aıtty.

– Men Izraıl úkimetin Gazaǵa gýmanıtarlyq júktiń tolyq jáne kedergisiz jetkizilýin qamtamasyz etýge, al halyqaralyq qaýymdastyqty bizdiń gýmanıtarlyq kómegimizdi jan-jaqty qoldaýǵa shaqyramyn, – dep aıaqtady Gýterrısh.