Gazada qaza tapqan palestınalyqtardyń sany 36 myńǵa jýyqtady

<p>ASTANA. KAZINFORM &ndash; Izraıldiń Gaza sektorynda jalǵasyp jatqan áskerı operatsııasynda qaza tapqan palestınalyqtardyń sany 35 857-ge jetti. Bul týraly juma kúni anklavtyń medıtsınalyq organdary baspasóz habarlamasynda jarııalandy, dep jazady <a href="https://russian.news.cn/20240525/ee6735628eaa49dd96c2a70ea23cd025/c.html" target="_blank" rel="noopener">Sınhýa.</a>&nbsp;</p>

Keıingi 24 saǵatta Izraıl armııasy shabýylynan 57 palestınalyq qaza tapqan, taǵy 93-i jaralanǵan. Osylaısha, 2023 jyldyń qazan aıynda Palestına-Izraıl qaqtyǵys bastalǵannan beri qaza tapqandardyń jalpy sany 35 857-ge jáne jaralanǵandar sany 80 293-ke jetti.

Jergilikti aqparat kózderi men kýágerlerdiń habarlaýynsha, juma kúni Izraıl áskerı ushaqtary Gaza qalasynyń shyǵysyndaǵy turǵyn úıge soqqy jasaǵan.

Azamattyq qorǵanys qyzmeti qysqasha málimdemede úıdiń qırandylarynan segiz adamnyń, onyń ishinde balalar men áıelderdiń máıitteri tabylǵanyn habarlady.

2023 jyldyń 7 qazanynda HAMAS-tyń eldiń ońtústik bólikterine jasaǵan tosyn shabýylyna jaýap retinde Izraıl Gaza sektoryndaǵy topqa qarsy aýqymdy shabýyldy bastady. Qaqtyǵys basynda 1200-ge jýyq adam qaza taýyp, 250-den astamy kepilge alynǵan.