Gazada qaza tapqan palestınalyqtardyń sany 34 000-ǵa jaqyndady
21:36, 17 Sáýir 2024
<p>ASTANA. KAZINFORM – Izraıldiń Gaza sektorynda jalǵasyp jatqan shabýyldarynan qaza tapqan palestınalyqtardyń sany 33 899-ǵa jetti. Bul týraly HAMAS baqylaýyndaǵy Densaýlyq saqtaý mınıstrligi taratqan baspasóz habarlamasynda aıtyldy, dep jazady <a href="https://russian.news.cn/20240417/d43068a85177481ea3718b73c15f1715/c.html" target="_blank" rel="noopener">Sınhýa.</a></p>
Sońǵy 24 saǵatta 56 palestınalyq qaza taýyp, taǵy 89 adam jaralanǵan. Izraıl men HAMAS arasyndaǵy qaqtyǵys bastalǵannan beri qaza tapqandardyń jalpy sany 33 899-ǵa, jaralanǵandar sany 76 664-ke jetti.
Málimdemede zardap shekkenderdiń keıbiriniń aýyr bombalaý jáne qutqarý toptarynyń bolmaýy saldarynan qırandylardyń astynda qalǵany atap kórsetildi.
Izraıl armııasynyń baspasóz hatshysy Avıhaı Adraı H áleýmettik jelisi arqyly soǵys ushaqtarynyń sońǵy 24 saǵatta Gazadaǵy 40-tan astam «terrorlyq» nysanaǵa soqqy bergenin aıtty.
2023 jyldyń 7 qazanynda Izraıldiń ońtústik shekarasyna 1200-ge jýyq adamnyń ómirin qıyp, 200-den astam adamdy kepilge alǵan shabýylǵa jaýap retinde Izraıl Gaza sektoryndaǵy HAMAS-qa qarsy keń aýqymdy shabýylyn bastady.