Gazada qaza tapqan palestınalyqtardyń sany 29 692-ge jetti

<p>ASTANA. KAZINFORM &ndash; Sońǵy 24 saǵatta Izraıl áskerıleriniń áreketi saldarynan 86 palestınalyq qaza taýyp, taǵy 131 adam jaraqat aldy. 2023 jyldyń 7 qazanynda bastalǵan HAMAS pen Izraıl arasyndaǵy qaqtyǵys kúsheıgennen beri Gaza sektorynda qaza tapqan palestınalyqtardyń jalpy sany 29 692-ge, anklavtaǵy jaralanǵandardyń jalpy sany 69 879-ǵa jetti.</p>

Bul týraly jeksenbi kúni HAMAS baqylaýyndaǵy Densaýlyq saqtaý mınıstrligi habarlady.

Vedomstvonyń baspasóz habarlamasynda Izraıldiń qarqyndy atqylaýy jáne azamattyq qorǵanys bólimsheleri men jedel járdem brıgadalarynyń jetispeýshiligi saldarynan keıbir zardap shekkenderdiń áli de úıindi astynda qalǵany atap ótildi. Bul týraly Sınhýa agenttigi jazdy.

Óz kezeginde Izraıl qorǵanys kúshteri (IDF) jeksenbi kúni Gaza sektorynyń ońtústigindegi shaıqasta eki sarbazdyń qaza tapqanyn habarlady.

Izraıl armııasy sardar men taǵy eki sarbazdyń Gazanyń ońtústigindegi shaıqas kezinde aýyr jaralanyp, aýrýhanaǵa jetkizilgenin aıtty.

Aıta keteıik, 2023 jyly 7 qazanda HAMAS jaýyngerleri 1200-ge jýyq adamnyń ómirin qıyp, 240-tan astam adamdy kepilge alǵan edi. Olardyń Izraıldiń ońtústigine jasaǵan tosyn shabýylyna jaýap retinde Izraıl armııasy Gaza sektoryndaǵy HAMAS-qa qarsy aýqymdy shabýyldar jasap jatyr.