Gazada aýrýhanaǵa jasalǵan soqqydan eki adam qaza tapty

<p>ASTANA. KAZINFORM &ndash; Gazadaǵy ındonezııalyq aýrýhanaǵa jasalǵan soqqy saldarynan keminde eki naýqas qaza taýyp, taǵy 40 patsıent pen medıtsına qyzmetkeri jaralandy. Bul týraly Dúnıejúzilik densaýlyq saqtaý uıymynyń (DDSU) bas dırektory Tedros Gebreıesýs málim etti, dep jazady <a href="https://tass.ru/mezhdunarodnaya-panorama/22169079" target="_blank" rel="noopener">TASS.</a></p>

«Keshe túnde Gazadaǵy ındonezııalyq aýrýhanaǵa jasalǵan soqqydan 40 naýqas pen medıtsına qyzmetkeri jaralandy. Aýrýhananyń generatoryna zaqym kelip, elektr energııasy óship qalǵan. Sonyń saldarynan jaǵdaıy aýyr eki naýqas kóz jumdy», - dep jazdy Tedros Gebreıesýs áleýmettik jelidegi paraqshasynda.

Sonymen qatar ol bul óńirde oq atýdy dereý toqtatýǵa shaqyrdy.

Aıta keteıik, osy aptada Gazaǵa úsh aıdan keıin alǵash ret áýeden gýmanıtarlyq kómek tastaldy.

Kýágerlerdiń aıtýynsha, gýmanıtarlyq júk eksklavtyń ońtústigindegi Han ıÝnýs qalasyna belgisiz ushaqtardan tastalǵan. Ókinishtisi, gýmanıtarlyq júk tıelgen qoraptardyń bir bóligi qonys aýdarǵan palestınalyqtardyń shatyrlaryna qulap, adamdar mert bolǵan.