Gaza aýrýhanasyna soqqydan qaza tapqandar 800-ge jetti: Shabýyl týraly ne belgili

<p>Arab basylymdary keshe Gaza sektoryndaǵy gospıtalge Izraıldiń áýe áskerı kúshteriniń zymyrandary túskenin habarlady. Keıingi derekter boıynsha, qaza tapqandar men zardap shekkender sany 800 adamnan asty.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://tass.ru/mezhdunarodnaya-panorama/19043605" target="_blank" rel="noopener">TASS-qa</a>&nbsp;silteme jasap habarlaıdy.</p>

Izraıldiń áýe kúshteri Gaza qalasynyń ortalyq aýdandaryna birqatar soqqy jasady. Al Hadath telearnasynyń málimetinshe, raketalar "Al-Maamadanı" gospıtaline túsken.

Medıtsınalyq derekkózder aqparatynsha, qaza tapqandar sany 300-den asty. Al Arabiya telearnasy mert bolǵandar men zardap shekkender 800 adamnan artqanyn málim etti.

Al Hadath telearnasynyń reportajynda kóptegen naýqas dalada kezekte turǵany aıtylǵan. Zymyrannyń jarylýy kórshi ǵımarattarǵa da zalal keltirip, turǵyndar qaza tapqan.

Palestına basshylyǵy oqıǵaǵa baılanysty shuǵyl jıyn ótkizdi.

HAMAS aýrýhanaǵa jasalǵan soqqyny genotsıd dep atady. Qozǵalys álemdik qaýymdastyqty, arab jáne ıslam elderin “jaýapkershilik alyp, Izraıl bıliginiń agressııasyn toqtatý úshin tez arada bul iske aralasýyn” talap etti.

Al Izraıl qorǵanys áskeri Gaza aýrýhanalarynyń birindegi jarylysqa palestınalyq anklavtan sátsiz ushyrylǵan zymyrandar sebep bolǵanyn jáne oǵan “Islam jıhady” jaýapty ekenin aıtyp otyr.

Palestına prezıdenti Mahmýd Abbas úshkúndik qaraly kún jarııalady. Al Mayadeen telearnasynyń dereginshe, ol 19 qazanǵa AQSh basshysy Djo Baıdenmen josparlanǵan kezdesýin kútpesten Ammannan ushyp ketip, Ramallaǵa oralǵan.

Izraıl premer-mınıstri Bınıamın Netanıahý Gaza sektoryndaǵy jarylysqa Izraıl áskeri kináli degen pikirdi joqqa shyǵaryp, bul – lańkesterdiń isi dep málimdedi.

Óz kezeginde “Islam jıhady” soqqyǵa ózderiniń qatysy joq ekenin aıtty.

Kóptegen halyqaralyq uıymdar men elderdiń úkimet basshylary Izraılden soǵys erejelerin saqtaýdy talap etip, Gaza sektoryndaǵy zulymdyqty toqtatýǵa shaqyrdy. Biri muny áskerı qylmys dese, biri aldyn ala josparlanǵan áreket dep aıyptady. Zardap shekkenderge gýmanıtarlyq kómek jiberiletini aıtylyp otyr.

Osy oqıǵadan keıin Túrkııa, AQSh, Marokko, Germanııa, Tegeran turǵyndary narazylyq aktsııalaryna shyqty. Olar Gazanyń beıbit turǵyndaryn qyryp jatqan Izraılge narazy.