Gaza sektorynyń soltústiginde barlyq baılanys túri óship qaldy

<p>Palestınalyq Paltel telekommýnıkatsııa kompanııasynyń habarlaýynsha, jeli ınfraqurylymynyń isten shyǵýyna baılanysty Gaza sektorynyń soltústiginde baılanystyń barlyq túri óship qaldy. Kazinform agenttigi bul týraly ızraıldik <a href="https://www.ynetnews.com/category/3083" target="_blank" rel="noopener">Yedioth Ahronoth</a> basylymyna silteme jasap habarlady.&nbsp;</p>

Paltel aqparatyna sáıkes, Gaza qalasynda jáne búkil Palestına anklavynyń soltústiginde «negizgi jeliniń zaqymdanýyna» baılanysty statsıonarlyq, uıaly jáne ınternet baılanysy qyzmet kórsetýin tolyq toqtatady.

Taıaý Shyǵystaǵy jaǵdaı 7 qazanda Gaza sektorynan palestınalyq HAMAS qozǵalysy sodyrlarynyń Izraıl aýmaǵyna enýinen keıin kúrt nasharlady.

Radıkaldar bul shabýyldy Izraıl bıliginiń Ierýsalımdegi Ál-Aqsa meshitine qarsy áreketine jaýap dep atady. Izraıl Gaza sektoryn tolyq qorshaýǵa alǵanyn jarııalap, oǵan jáne Lıvan men Sırııanyń keıbir aımaqtaryna soqqy bere bastady. Qaqtyǵys batys jaǵalaýda da bolyp jatyr.