Gaza sektorynda Qazaqstannyń 76 azamaty bar – SІM

<p>Qazirgi ýaqytta Gaza sektorynda 76 otandasymyz bar. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy Kazinform.</p>

«Bizdiń derekterimiz boıynsha Gaza sektorynda Qazaqstan Respýblıkasynyń 76 azamaty bar. Otbasy múshelerimen qosa eseptegende olardyń sany 161. Sonymen qatar sheteldik azamattardyń shyǵýyna baılanysty Mysyr jáne Izraıl tarapynan belgili talaptar bar. Olardyń úshten biri evakýatsııalaýǵa kelmeıdi. Olar kámeletke tolǵandar, erli-zaıyptylar», - dedi Aıbek Smadııarov mınıstrlikte ótken baspasóz máslıhatynda.

Onyń aıtýynsha, Syrtqy ister mınıstrligi Taıaý Shyǵystaǵy jaǵdaıdy baqylaý ustaýda.

«Degenmen kóp nárse bizge baılanysty emes. Áskerı dıplomatııalyq daǵdarysty búkil álem sheshýge tyrysyp jatyr. Óz tarapymyzdan azamattarymyz Mysyr shekarasynan ótkennen keıin arnaıy evakýatsııaǵa daıynbyz. Shetelde Qazaqstan azamattaryn qorǵaý Syrtqy ister mınıstrligi men elshilikterdiń negizgi mindetteriniń biri. Biz Taıaý Shyǵystaǵy jaǵdaıdy baqylap otyrmyz. Ókinishke qaraı, shıelenis kúsheıip keledi», - deıdi ol.