Gaza sektorynda qazaqstandyq 25 otbasy bar

<p>Gaza sektorynda qazaqstandyq 25 otbasy bar. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Qolda bar aqparatqa sáıkes, Gaza sektorynda Qazaqstan azamattarynan turatyn 25 otbasy bar degen aqparat kelip tústi. Kóbi — sol jaqqa turmysqa shyqqan azamatshalarymyz. Kelip túsken habarlamalarǵa súıensek, qazirgi ýaqytta Izraıldiń jerdegi operatsııalaryna, sonymen qatar júrgizip jatqan bombalaýyna baılanysty otbasylardyń keıbiri Gaza sektorynan qaýipsiz oryn izdep jatyr. Ol jerde baılanys óte nashar. Sondyqtan áli kúnge deıin jan-jaqty aqparat jınaı almaı otyrmyz. Bir-ekeýimen baılanystyq. Biraq, ary-beri qaýipsiz jer izdep júrgendikten aqparat berýge murshalary joq. Bul baǵytta áli jumys istep jatyrmyz», — dedi Aıbek Smadııarov mınıstrliktegi brıfıng barysynda BAQ ókilderiniń saýalyna oraı.