Gaza sektorynda qaza tapqandar sany 32 782-ge jetti

<p>ASTANA. KAZINFORM &ndash; Gaza sektoryndaǵy Palestına Densaýlyq saqtaý mınıstrliginiń málimdeýinshe, Izraıldiń Gaza sektoryna 177 kún boıy jasaǵan shabýyldarynan qaza tapqandar sany 32 782-ge jetti, 75 298 adam jaraqat alǵan. Bul týraly <a href="https://www.aa.com.tr/tr/dunya/israilin-177-gundur-saldirilarini-surdurdugu-gazzede-can-kaybi-32-bin-782ye-yukseldi/3179762" target="_blank" rel="noopener">Anadolu </a>jazdy.</p>

Sońǵy 24 saǵatta Izraıl kúshteriniń soqqysynan Gaza sektorynda taǵy 77 palestınalyqtyń qaza tapqan, 108 adam jaralanǵan.

Aıta keteıik, HAMAStyń 7 qazandaǵy shabýylynda 1200 ızraıldik qaza taýyp, 5132 adam jaralanǵan edi.

7 qazannan beri Izraıldiń Gaza sektoryna jasaǵan shabýyldary nátıjesinde qaza tapqan 32 782 adamnyń keminde 14 280-i balalar, 9 340-ǵy áıelder.

Izraıl armııasy Gaza sektoryna shabýyldar bastalǵan 7 qazannan beri 598 sarbazynyń qaza tapqanyn, onyń 253-i qurlyq shabýylynda bolǵanyn habarlady.

2023 jyly 24 qarashada 4 kúnge, keıin jáne 3 kúnge uzartylǵan qaqtyǵystaǵy «gýmanıtarlyq úzilis» kezinde 81 ızraıldik jáne 240 palestınalyq tutqyn óz elderine qaıtaryldy.