Gaza sektorynda qaza tapqan palestınalyqtardyń sany 14 myńnan asyp ketti

<p>Izraıl men Palestınanyń HAMAS uıymy arasynda qaqtyǵys bastalǵannan beri Gaza sektorynda qaza tapqan palestınalyqtardyń sany 14 532 adamǵa jetti. Bul týraly sársenbide HAMAS baqylaýyndaǵy BAQ úkimettik basqarmasynan málimdedi. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://russian.news.cn/20231123/cb4b50d90db4497a8f5ec07b6e06ecb9/c.html" target="_blank" rel="noopener">Sınhýa</a> aqparat agenttigine silteme jasap habarlaıdy.&nbsp;</p>

Basqarma dırektory Ismaıl Tavabtanyń habarlaýynsha, qaza bolǵandar arasynda 6 myń bala jáne 4 myń áıel bar.

Ol sondaı-aq 35 myńnan astam adam jaraqat alǵanyn qosyp ótti.

Zardap shekkender arasynda 205 medıtsına qyzmetkeri, azamattyq qorǵanys jasaǵynan 22 adam jáne 64 jýrnalıst bar.

«Іz-túzsiz joǵalǵandar tiziminde 7 myń adam bar, sonyń 4,7 myńnan astamy — balalar men áıelder» deıdi I.Tavabta.

Izraıl men HAMAS sársenbide soǵysty tórt kúnge toqtatýǵa keliskennen keıin I.Tavabta Gazaǵa, ásirese ondaǵy aýrýhanalar men gýmanıtarlyq qyzmet kórsetetin mekemelerge dereý otyn jetkizýge shaqyrdy.

Kelisimge sáıkes, HAMAS sodyrlary ızraıldik 50 tutqyndy — tek áıelder men balalardy, al Izraıl túrmeden 150 palestınalyqty — áıelder men kámeletke tolmaǵandardy bosatady, dep habarlady sársenbi kúni Izraıl premer-mınıstri Bınıamın Netanıahýdyń keńsesinen.

Izraıl sondaı-aq Gazaǵa gýmanıtarlyq kómek jetkizýge ruqsat beredi.