Gaza sektorynda qaza bolǵandar sany 20 258 adamǵa jetti

<p>Izraıldiń Gaza sektoryna soqqylary saldarynan 7 qazannan beri 20 258 adam mert boldy, taǵy 53 688-i jaraqat aldy. Bul týraly <a href="https://www.aa.com.tr/ru/%d0%bc%d0%b8%d1%80/%d1%87%d0%b8%d1%81%d0%bb%d0%be-%d0%b6%d0%b5%d1%80%d1%82%d0%b2-%d0%b0%d0%b3%d1%80%d0%b5%d1%81%d1%81%d0%b8%d0%b8-%d0%b8%d0%b7%d1%80%d0%b0%d0%b8%d0%bb%d1%8f-%d0%b2-%d0%b3%d0%b0%d0%b7%d0%b5-%d0%b4%d0%be%d1%81%d1%82%d0%b8%d0%b3%d0%bb%d0%be-20-258/3090851" target="_blank" rel="noopener">Anadoly agenttigi</a> Gazadaǵy Densaýlyq saqtaý mınıstrligine silteme jasap jazdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Vedomstvo málimetinshe, tek keıingi 24 saǵatta palestınalyq eksklavta 201 adam kóz jumdy, 368 adam zardap shekti.

7 qazannan beri Gaza sektorynda qaza tapqan buqaralyq aqparat quraldary ókilderiniń sany 100 adamǵa jetti.

Izraıl – Palestına shıelenisi

Bıylǵy 7 qazanda palestınalyq HAMAS uıymy Izraılge qarsy operatsııa bastady. Gaza sektorynan Izraılge qaraı myńdaǵan raketa ushyryldy, qarýlanǵan toptar ızraldik eldi mekenderge basyp kirdi. HAMAS bul operatsııa Shyǵys Ierýsalımde okkýpatsııalanǵan Ál-Aqsa meshitine jasalǵan shabýylǵa jáne ızraıldikterdiń palestınalyqtarǵa qarsy artyp kele jatqan zorlyq-zombylyǵyna jaýap ekenin aıtty.

Óz kezeginde Izraıl HAMAS-qa qarsy jaýapty operatsııa bastap, onyń sońy Gaza sektoryndaǵy halyqty jappaı qyrýǵa ulasty. 27 qazanda Izraıl Gazaǵa qurlyqtaǵy áskerimen soqqy jasaýǵa kóshti.

Búginde Gazanyń 2,3 mln turǵyny eksklavtyń tolyq qorshaýda qalýynan azyq-túlik, sý, dári-dármek tapshylyǵynan zardap shegip otyr. Myńdaǵan ǵımarat, sonyń ishinde aýrýhanalar, meshitter men shirkeýler zaqymdaldy nemese tolyǵymen qırady.

Izraılde qaza bolǵandar sany – 1200 adamǵa jýyq.

HAMAS pen Izraıl arasynda 24 qarasha kúni tańerteń kúshine engen «Gýmanıtarlyq úzilik» 1 jeltoqsanda tańerteń aıaqtaldy. Bul kúnderi eki tarap tutqynǵa alynǵan ondaǵan adammen almasty.

Bitim týraly ýaqytsha kelisim aıaqtalysymen Izraıl gazaǵa qarsy shabýylyn jalǵastyrdy.

Jeltoqsan aıynyń alǵashqy onkúndigindegi málimet boıynsha, Izraıldiń Gazaǵa shabýylynan 17,7 myń adam qaza tapty.

Resmı málimetke sáıkes, Gaza sektorynda palestınalyq tarap áli de 130 adamdy tutqynda ustap otyr.