Gaza sektorynda aspannan túsken kómek 5 adamnyń ómirin qıdy

<p>ASTANA. KAZINFORM &ndash; AQSh pen Iordanııa palestınalyqtardyń ólimine ákep soqqan gýmanıtarlyq kómektiń áýeden túsirilý oqıǵasyna qatysy joq ekenin aıtty, dep habarlaıdy <a href="https://www.dw.com/ru/sbrosennaa-s-vozduha-gumanitarnaa-pomos-ubila-pat-celovek-v-sektore-gaza/a-68479306" target="_blank" rel="noopener">DW</a>.&nbsp;</p>

8 naýryz, juma kúni Gaza sektoryna áýeden gýmanıtarlyq kómektiń túsirilýi saldarynan bes adam qaza taýyp, 11 adam jaraqat alǵan. Bul týraly HAMAS baqylaýyndaǵy jergilikti densaýlyq saqtaý mınıstrligi men oqıǵa kýágerine silteme jasap CBS News arnasy habarlady.

AQSh pen Iordanııa jazataıym oqıǵaǵa jaýapkershilikti joqqa shyǵarady

8 naýryz, juma kúni AQSh, Iordanııa, Mysyr, Frantsııa, Nıderland jáne Belgııa Gaza sektorynyń ústinen gýmanıtarlyq kómek tastady. AQSh qorǵanys vedomstvosy ókiliniń CBS-ke baıandaǵanyndaı, alǵashqy taldaý qorytyndylar amerıkandyq ushaqtyń jerdegi ólimge jaýapty emes ekenin kórsetti, biraq tergeýdi jalǵastyrý qajet.

Onyń aıtýynsha, áskerıler gýmanıtarlyq júk salynǵan barlyq jáshikterdiń shtattyq rejımde túsirilgeni týraly rastaý alǵan. 

Iordanııa bıligi de oqıǵaǵa qatysy joq ekenin aıtty. Eldiń memlekettik aqparat agenttiginiń habarlaýynsha, ushaqtardyń eshqaısysynda tehnıkalyq aqaý bolǵan joq.

Beısenbi, 7 naýryzda AQSh prezıdenti Djo Baıden halyqqa úndeýinde Gaza sektorynda gýmanıtarlyq júkterdi jetkizý úshin ýaqytsha port salynatynyn habarlady. 

Izraıl SІM baspasóz hatshysy Lıor Haıat el bul jospardy quptaıtynyn aıtty. Onyń aıtýynsha, bul jospar «Izraıl standarttaryna sáıkes qaýipsizdik tekserýleri júrgizilgennen keıin Gaza sektoryna gýmanıtarlyq kómekti arttyrýǵa múmkindik beretinin» aıtty.

Sondaı-aq ol Izraıldiń HAMAS lańkestik uıymy tolyǵymen joıylyp, kepilge alynǵandardyń barlyǵy qaıtarylǵansha kúres jalǵasatynyn jetkizdi.