Gaza sektorynan Qazaqstannyń 28 azamaty evakýatsııalandy

<p>Qazaqstandyq gýmanıtarlyq júk ushaǵy Gaza sektorynan osynda evakýatsııalanǵan óz azamattaryn Mysyrdan alyp ketti, dep habarlaıdy <a href="https://kaz.inform.kz/news/izrail-yemendk-husittermen-sogisuga-dayin-ekenn-malmded-e9c8c1/Kazinform." target="_blank" rel="noopener">Kazinform.</a></p>

Evakýatsııalanǵandar sany – 28 adam. Qazaqstannyń Mysyrdaǵy elshiligi ókiliniń aıtýynsha, Gaza sektorynda bizdiń eldiń azamattary áli de qaldy.

«Aldyn ala málimet boıynsha, onda áli 10 adam qaldy. Bul Qazaqstan azamattary men olardyń otbasy músheleri. Olardy evakýatsııalaýǵa keletin bolsaq, bári qazirgi áskerı jaǵdaıǵa jáne olardyń Mysyrǵa jete alatyndyǵyna baılanysty», - dedi Qazaqstan Respýblıkasynyń Egıpet Arab Respýblıkasyndaǵy Elshiliginiń keńesshisi Sanjar Ýálıhanov. 

Foto: Asylbek Jolshybek / Kazinform

Sondaı-aq Mysyr Qyzyl Jarty Aı ókili Qazaqstan jaǵynan alǵan júkter arnaıy drenajǵa, odan keıin Rafak arqyly Palestına jaǵyna kezekpen jóneltiletinin habarlady. 

Bosqyndardyń ózderi de jaǵdaıyn aıtty.

«Biz jaqynda Palestına avtonomııasynda, Gaza sektorynda turdyq. Onda meniń kúıeýim qaldy, sol múmkindikti paıdalanyp, ol da maǵan kelip, otbasyn biriktirýi úshin kómek suraımyn. Ol dáriger, men de medbıke bolyp jumys istedim. Bizde bes bala boldy, eki apta buryn qyzymdy óltirdi, ol 19 jasta, 6 aılyq júkti edi. Ol kúıeýimen, jıenderimen jáne ata-anasymen birge qaıtys boldy», - deıdi Qazaqstan azamaty retinde Gaza sektorynda turǵan Oksana Helles. 

«Men palestınalyqpyn, Qazaqstanda oqydym, medıtsınalyq ýnıversıtetti bitirdim. Qazaqstan Respýblıkasynyń azamatyna turmysqa shyqtym, sonymen qatar Qazaqstan azamatymyn. Soǵys  biz úshin aýyr synaq boldy. Biz qanshama jyl ómirimizdi jaqsy arnaǵa burdyq, bári bir sátte joıyldy», - dedi Elıanka Ahmet. 

Evakýatsııalanǵandar Qazaqstan Prezıdenti Qasym-Jomart Toqaevqa, Syrtqy ister mınıstrligine jáne Qazaqstan Respýblıkasynyń Mysyrdaǵy Elshiligine zor alǵystaryn bildirip, odan ári kómek suraıdy.