Gaz jelisin óz betinshe qosyp alǵan túrkistandyqtyń úıinde jarylys boldy
15:56, 22 Naýryz 2023
TÚRKІSTAN. QazAqparat – Túrkistan qalasynyń «ıAssy» shaǵyn aýdanyndaǵy jekemenshik úıde jarylys bolyp, bir otbasynyń 4 múshesi kúıik jaraqatymen aýrýhanaǵa jetkizildi, dep habarlaıdy QazAqparat tilshisi.
Oqıǵaǵa gazdyń shyǵýy sebep bolýy múmkin. Naqty qaı gaz túri ekeni anyqtalý ústinde. Úıden redýktory istemeıtin 25 lıtrlik gaz ballony da tabylǵan. TJD men gaz salasynyń mamandary saraptama jumystaryn júrgizip jatyr.
Aıta ketsek, 2022 jyldyń 23 qarashasynda berilgen tehnıkalyq shart negizinde jekemenshik merdiger mekeme «Gazmontaj Nýr» JShS tarapynan qurylys-montajdaý jumystary júrgizilgen. Alaıda, gaz jelisin qostyrýǵa tólem jasamaýyna baılanysty tutynýshyǵa jeli qosylmaǵan. Tutynýshynyń jelini óz betinshe qosqany anyqtaldy.