Gaz jarylǵan úı «garaj» esebinde salynǵan - Túımebaev

ASTANA. QazAqparat - Úkimettiń búgingi otyrysynda Ońtústik Qazaqstan oblysynyń ákimi Janseıit Túımebaev gazdan jarylǵan turǵyn jaıdyń qalaı salynǵanyn aıtyp berdi, dep xabarlaıdy QazAqparat tilshisi.

"Shymkent qalasynda qańtardyń 8-kúni tańǵy saǵat 4:00-de barak tıptes turǵyn jaıda gaz qospasy jarylǵan. Úıdiń qujattarynda atalǵan nysan "garaj" dep kórsetilgen. Jarylys gaz júıesin durys paıdalanbaý saldarynan bolǵan. Oǵan qosa, Iranda shyǵarylǵan jylytý peshiniń ruqsat qaǵazdary da bolmady", - dedi J.Túımebaev.

Ákimniń aıtýynsha, jarylystan zardap shekken azamattarǵa ýaqytsha baspana beriledi. Jalpy, búginde Shymkent qalasynda 2040 kópqabatty úı, 218 myń jeke turǵyn úı bar. Aldaǵy ýaqytta barlyq úı-jaılarda gaz jáne basqa da jylý qurylǵylaryn paıdalanýdyń tehnıkalyq qaýipsizdigi tekseriletin bolady .