Gaz, tútin baıqalmady: Apattan 12 mınýt buryn shahtadan shyqqan kenshi

<p>Jarylys bolardyń aldynda ǵana kezekshiligin tapsyryp, Kostenko shahtasynan shyǵyp úlgergen kenshilerdiń biri <a href="https://kaz.inform.kz/" target="_blank" rel="noopener">Kazinform</a> tilshisine suhbat berip, apat bolar aldynda kenishte jaǵdaı qandaı bolǵanyn málim etti.</p>

«Barlyǵy ádettegi qalpynda boldy. Gaz, tútin shyqty deıtindeı eshqandaı aýytqý baıqalmady, órt te bolǵan joq. Jigitter aýysymdy tapsyryp, birer mınýt sóılesip, úıimizge tarqastyq. Al basqa aýysym jigitteri jumystaryna kiristi. Kletke (shahtadan kóteretin jabdyq) deıin ádettegideı tramvaımen bardyq. Biz túngi 02:23-te shahtadan shyqtyq, al jarylys 02:35-te boldy. ıAǵnı, biz kletpen kóterilip bara jatqan kezde jarylys oryn aldy», - deıdi ıÝrıı Korenkov.

Sondaı-aq ıÝrıı oqıǵa ornynda bolyp, tiri qalǵan áriptesteri aıtqan keıbir málimettermen bólisti.

«Meniń kúıeý balam tórtinshi aýysymǵa kirisken bette jarylys tolqynyna tústi. Aýyr soqqyǵa ushyraǵan eki jumysshyny qutqaryp qaldy. Ekeýine de ózin-ózi qutqarý qurylǵysyn kıgizip, aman alyp qalǵan. Biriniń esimi Vıktor Plotnıkov, ekinshisiniń aty ıÝrıı, famılııasy esimde joq. Olardy zvenoshy Aleksandr Aleksandrovıch Kladko qutqardy. Vıktor Plotnıkov basyn qatty soǵyp, qaraqusyna zaqym alǵan. Qazir ol Maqajanov atyndaǵy kópsalaly aýrýhanada jatyr»,- dedi ol.

Shahterdiń aıtýynsha, jumys barysynda jarylys bolatyndaı esh qurylǵy syr bermegen, tipti qaıǵyly oqıǵadan jarty saǵat buryn da.

«Men jeldetý jáne qaýipsizdik tehnıkasynyń taý-ken sheberimin, bul lavada kezekshilikte boldym, órt bolatyndaı eshqandaı sebep bolǵan joq. Munyń qaıdan shyqqanyn eshkim bilmeıdi, qurylǵylardaǵy kórsetkishter qalypty boldy, bári aıaqasty boldy», - dep qosty kenshi.

Eske salaıyq, 28 qazan kúni túngi saǵat 02.33-te Qaraǵandy oblysyndaǵy Kostenko atyndaǵy shahtada órt boldy. Jer astynda 252 adam bolǵan, olardyń 205-i birden joǵary shyǵaryldy.

Saǵat 17.33-tegi málimet boıynsha 33 kenshiniń denesi tabyldy,13 adam izdestirilip jatyr. 20 jumysshy aýrýhanaǵa jetkizildi.

Keıin «ArselorMıttal Temirtaý» AQ-ǵa tıesili 8 shahtanyń jumysy ýaqytsha toqtatyldy.

Keshqurym brıfıng ótkizgen Tótenshe jaǵdaılar mınıstri Syrym Sháriphanov jer astynda qalǵan 13 kenshini tiri tabýǵa úmit óte az ekenin málim etti.

Mert bolǵan kenshilerdiń jeke basyn anyqtaý qıynǵa túsip jatqany aıtylýda.

Saǵat 23:45-tegi jaǵdaı boıynsha, 13 kenshini izdestirý-qutqarý jumystary jalǵasyp jatty.

Prezıdent Q.Toqaev 29 qazandy jalpyulttyq aza tutý kúni etip jarııalaıtyn Ókimge qol qoıdy.

Memleket basshysy Qasym-Jomart Toqaev Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatý týraly tapsyrma berdi. Keıin Úkimettiń baspasóz qyzmeti «ArselorMıttal Temirtaý» AQ-nyń menshik quqyǵyn QR menshigine qaıtarý týraly kelisimsharttyń aıaqtalýǵa jaqyn ekenin málim etti.

QR Úkimeti apattan qaza tapqandardyń otbasylaryna qandaı kómek kórsetiletinin jarııalady.

Apatqa baılanysty Reseı, Belarýs, Ózbekstan, Qyrǵyzstan, Frantsııa prezıdentteri men Túrkııa Syrtqy ister mınıstrligi, Armenııa premer-mınıstri kóńil aıtty.Prezıdent Qasym-Jomart Toqaev Qaraǵandy oblysyndaǵy qaıǵyly oqıǵaǵa oraı kóńil aıtqan barlyq shet memleketter basshylary men qazaqstandyqtarǵa rızashylyǵyn bildirdi.

Kazinform «ArselorMıttalTemirtaý» tarıhynda qandaı apattar bolǵany týraly sholý usynǵan bolatyn.