Gaz tarıfy tómen bolsa, ınvestıtsııa salý tıimsiz - ekonomıst

NUR-SULTAN. QazAqparat – Ekonomıst Aıdarhan Qusaıynov taýarlyq gazǵa tarıfti kóterý jóninde pikir bildirdi, dep habarlaıdy QazAqparat tilshisi.

«Qazirgi kezde qanaǵattanarlyq jaǵdaıda bolmaı turǵan gaz salasyn damytý úshin mol qarajat qajet. Máseleni sheshýdiń bir nusqasy – gazǵa ishki tarıfti kóterý, árıne bul kóp adamǵa unamaýy múmkin. Búgingi tańda «kógildir otyn» tarıfteri eksport esebinen sýbsıdııalanady, ıaǵnı ishki naryqta shyǵyndar bar, gazdyń tómen baǵasy ekonomıkany burmalaıtynyn túsiný kerek», - dedi A. Qusaıynov.

Onyń aıtýynsha, munaı-gaz salasyn tartymdy etý úshin tarıf tıimdi bolýy kerek.

«Arzan gaz óziniń energııa tıimdiligin, onyń ishinde ónimdiligi men básekege qabilettigin arttyrýǵa serpin bermeıdi. Qazirgi ýaqytta gaz naryǵyndaǵy teńgerimsizdik gaz ónerkásibiniń damýyna kedergi keltiredi. Qazir ishki gaz júıesine jáne gaz óndirýge ınvestıtsııa salý tıimdi emes. Árıne, tarıftiń ósýi jaǵymdy jańalyq emes, degenmen, buǵan sabyrly jáne túsinistikpen qaraý kerek», - deıdi ekonomıst.