Gaz óńdeý zaýytyndaǵy órt saldary joıyldy – QazMunaıGaz

NUR-SULTAN. QazAqparat – Qazaq gaz óńdeý zaýytynda órt saldaryn joıý jumystary aıaqtalyp, kásiporyn jumysy tolyǵymen qalpyna keltirildi, dep habarlaıdy QazAqparat «QazMunaıGaz» baspasóz qyzmetine silteme jasap.

Qysqa merzim ishinde zaýytty tolyq qýatta iske qosý úshin qandaı jumystardyń atqarylǵany týraly QazGÓZ dırektory Naqbergen Tólepov málim etti.

Onyń aıtýynsha, qalpyna keltirý jumystaryna úsh aýysymmen táýlik boıy jumys istegen 75 maman jumyldyryldy. Zııan keltirilgen konstrýktsııa men qosalqy jabdyqtyń bólikteriniń demontajy júzege

asyryldy. Jańa radıatorlar, jylý almastyrǵyshtar, jeldetkishter, elektr qozǵaltqyshtary aýystyryldy, elektr symdary júrgizildi jáne t.b.

«Ujymnyń úılesimdi is-áreketi men «QazMunaıGaz» qoldaýynyń arqasynda órt saldaryn tolyq joıyp, kásiporyn jumysyn qalpyna keltirdik», – dep atap ótti N.Tólepov.

Júrgizilgen jumystar 100 paıyzǵa shıki gazdy qabyldaýdy qamtamasyz etýge múmkindik berdi. Zaýyt qalypty tehnologııalyq rejımge shyqty – saǵatyna 95-100 myń tekshe metr gaz.

Eske sala keteıik, 16 maýsymda Nur-Sultan q. ýaqytymen saǵat 23.15 Mańǵystaý oblysynyń Jańaózen qalasynda ornalasqan «Qazaq gaz óńdeý

zaýyty» JShS kompressorlyq tsehynyń aýa tońazytqyshynda órt shyqty.

Órt saǵat 23:52-de tolyq joıyldy. Qaıtys bolǵandar men zardap shekkender joq. «QazMunaıGaz» ulttyq kompanııasynda Basqarma tóraǵasy Alık Aıdarbaevtyń basshylyǵymen jedel shtab jumys isteýde.