Gaz ben elektr energııasyn zańsyz paıdalanǵan ózbekstandyqtar memleketke $108 mln shyǵyn keltirdi

<p>TAShKENT. KAZINFORM &ndash; Jyl basynan beri &laquo;Ózenergoınspektsııa&raquo; mamandary júrgizgen tekserý nátıjesinde elektr energııasy men gazdy zańsyz paıdalanýdyń 8 289 faktisi anyqtaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Zań buzýshylyq saldarynan memleketke jalpy somasy 1,4 trln sýmnan (shamamen $108 mln) asa shyǵyn keldi.

Atap aıtqanda, elektr energııasy júıesine zańsyz qosylý nátıjesinen bolǵan zalal - 730,1 mlrd sým ($56 mln). Al tabıǵı gazdy urlaý saldarynan 679,1 mlrd sým ($52 mln) shyǵyn boldy.

Anyqtalǵan jaǵdaılarǵa baılanysty 51 avtogaz quıý stantsııasynyń lıtsenzııasy toqtatyldy. Energoresýrstardy paıdalaný erejesin saqtamaý boıynsha 9 084 ákimshilik is qozǵaldy. Sondaı-aq, ınspektsııanyń nusqamasyn oryndamaǵan tutynýshylarǵa qatysty 1 523 hattama toltyryldy.

Eske salaıyq, buǵan deıin elektr energııasy men gazdy zańsyz paıdalanǵan ózbekstandyqtar memleketke $12,4 mln shyǵyn keltirgenin jazyp edik.

Sonymen qatar, Ózbekstannyń syrtqy qaryzy 60 mıllıard dollardan asty.

Munymen birge, taıaýda Ózbekstanda $2,6 mln krıptoaktıvine zańsyz ıelik etken jasóspirim ustaldy.