Gaz baǵasy sońǵy jeti jylda alǵash ret munaıdan asyp tústi - Argus

NUR-SULTAN. QazAqparat – Gaz baǵasynyń ósýi onyń 2014 jyldan beri alǵash ret munaıǵa qaraǵanda qymbattaýyna ákep soqtyrdy. Bul rette tarıhta gaz baǵasynyń munaıǵa qaraǵanda 2021 jyldaǵydaı uzaq ýaqyt qymbat bolýy bolǵan emes, delingen Argus halyqaralyq baǵa agenttiginiń esebinde. Bul jaǵdaı keı elderdi qys aldynda keıbir qýat bóligin suıyq otynǵa aýystyrýǵa májbúrlegen. Bul úrdis salqyn qys jaǵdaıynda kúsheıýi múmkin, dep habarlaıdy QazAqparat TASS agenttigine silteme jasap.

Soltústik-Shyǵys Azııada gaz baǵasy munaı parıtetinen (munaıdyń shartty barreli) bıylǵy jyldy shilde aıynda kóterilgen.

Sońǵy ret mundaı jaǵdaı 2014 jyldyń qysynda bolǵan, dep atap ótti Argus.

Alaıda sol kezde gazdyń baǵasy munaıǵa qaraǵanda qańtar-aqpan aılarynda 37 kún boıy joǵary bolyp turǵan.

«Bıyl bul jaǵdaı 62 kúnge jalǵasty» delingen esepte.

«Baǵa osyndaı deńgeıde qalsa, jylý jáne elektr generatsııalaý kásiporyndary ekologııalyq kún tártibine qaramastan, gazdyń ornyna tek kómir emes, mazýt jaǵýdy da tańdaıdy», - dep jazdy sarapshylar.

Olar sonymen qatar álemde suıyq otyndy tehnıkalyq qoldana alatyn stansalar kóp emes ekenin atap ótti.