Gaz aıyrý qondyrǵysynyń qurylysy qalaı qarjylandyrylady

ASTANA. QazAqparat – Senat depýtattarynyń saýalyna jaýap bergen Premer-Mınıstr Álıhan Smaıylov Teńiz ken ornynda Gaz aıyrý qondyrǵysyn salýǵa qarajat qaıdan tartylýy múmkin ekendigin aıtty, dep habarlaıdy QazAqparat tilshisi.

«Gaz aıyrý qondyrǵysy Teńiz ken ornynyń qurǵaq gazyn metan, etan, propan-býtan fraktsııalaryna bólýge arnalǵan. Bul rette etan «Ulttyq ındýstrıaldyq munaı-hımııa tehnoparki» arnaýly ekonomıkalyq aımaǵynda ornalasatyn, polıetılen óndirýge arnalǵan bolashaq zaýyt úshin shıkizat bolady. Al metan TShO gaz qubyrymen keri jiberiledi. Búgingi tańda kommertsııalyq zaımnyń, sonymen qatar halyqaralyq damý ınstıtýttarynyń (Eýrazııalyq damý banki, Eýropa qaıta qurý jáne damý banki, Azııa damý banki) qatysýymen qarjy tartýdyń túrli naryqtyq tetikteri pysyqtalyp jatyr», - dep atap ótedi Úkimet basshysy jaýabynda.

Buǵan deıin «Teńizshevroıl» JShS-nan Gaz aıyrý qondyrǵysyn salýǵa jer ýchaskesin alý úshin jarııa servıtýt belgilengenin jazǵan edik.