Gavaııde Kılaýea janartaýy qaıta atqylady

ASTANA. QazAqparat - AQSh Geologııalyq qyzmetiniń (USGS) HAWAIIAN VOLCANO OBSERVATORY VOLCANO OBSERVATORY NOTICE FOR AVIATION Wednesday, June 7, 2023, 14:47 UTC | USGS Hazard Notification System (HANS) for Volcanoes habarlaýynsha, Gavaııde úsh aılyq úzilisten keıin Kılaýea janartaýynyń atqylaýy qaıta bastaldy, dep habarlaıdy QazAqparat.

«AQSh Geologııalyq qyzmetiniń Gavaıı janartaý observatorııasy (HVO) jergilikti ýaqyt boıynsha saǵat 04:44-te Kılaýea shyńynda jarqyraýdy tirkedi. Bul Gavaıı ulttyq janartaý saıabaǵyndaǵy Kılaýea Halemaýmaý shyńynyń janartaý kraterinde atqylaýdyń bastalýyn tanytyp otyr», - delingen habarlamada.

Kılaýea - Gavaıı aralyndaǵy belsendi «kaldera qalqan janartaýy». Ol teńiz deńgeıinen 1243 metr bıiktikte ornalasqan, onyń negizi Tynyq muhıtynyń túbine shamamen 5,5 shaqyrym tereńdikte ornalasqan. Janartaýda kóptegen búıirlik kraterler jáne lava aǵyp jatqan birneshe parazıttik shlak konýstar bar.

Negizgi qaýip - Kılaýea atqylaýy kezinde úzdiksiz bólinetin janartaý gazynyń kóp mólsheri, qyzdyrylǵan sý býynyń aǵyny, kómirqyshqyl gaz jáne kúkirt dıoksıdi.

Bıylǵy aqpan aıynyń ortasynda Gavaıı aralynyń ońtústigindegi jer silkinisinen keıin Kılaýea janartaýynyń belsendiligi qaıta jandandy.