Gaýhar Tanasheva nege Májilisten ketti

<p>ASTANA. KAZINFORM &ndash; Qazaqstan Halyq partııasynyń Májilistegi fraktsııasynyń jetekshisi Magerram Magerramov partııalasy Gaýhar Tanashevanyń depýtaty ókilettigi nege Asylbek Nuralınge berilgenin túsindirdi.</p>

- 23 jeltoqsanda partııalyq bıýro otyrysy ótken bolatyn. Sol kezde rotatsııa máselesi qaraldy. Depýtat G.Tanashevanyń mandatyn qaıtaryp aldyq. Onyń ornyna partııalyq tizim boıynsha Asylbek Nuralın keldi. Bul qandaı da bir jeke máselelermen baılanysty emes. Memleket basshysy 2025 jyldy jumysshy mamandyqtardyń jyly retinde jarııalady. Asylbek Jamashuly – metallýrgterdiń iri kásipodaǵynyń basshysy, - dedi ol jýrnalıstiń suraǵyna bergen jaýabynda. 

Sondaı-aq, ol rotatsııaǵa nege dál Gaýhar Tanashevanyń ilikkenin aıtty.

- Partııa sondaı sheshim qabyldady. Ol partııanyń ortalyq apparatynda jumysyn jalǵastyryp, áleýmettik jobalarmen aınalysady, - dedi Magerram Magerramov.

Aıtýynsha, bul rotatsııa Gaýhar Tanashevanyń kelisimimen iske asqan.

- Árıne, onyń kelisimi boıynsha jasaldy. Bul rotatsııa qalypty, zańdy protsess. G.Tanasheva óziniń Májilistegi jumysyn atqaryp shyqty, áleýmettik máselelerdi kóterip júrdi. Rotatsııanyń sebebi – jańa mindetter, - dedi depýtat. 

Eske salsaq, keshe Gaýhar Tanasheva Májilis depýtaty ókilettiginen aıyrylǵany habarlanǵan edi.