Gaýhar Aldambergenova: Praımerız bilikti azamattarǵa múmkindik beredi
«Jańashyldyqtar men irgeli isterdiń uıytqysy bola bilgen partııa egemendiktiń eleń-alań kezinen bergi eldik jumystardyń barlyǵyna atsalysyp, Elbasy Nursultan Nazarbaevtyń baıandy bastamalaryna, salıqaly saıasatyna árdaıym qoldaý bildirip keledi. Saıası uıymnyń shırek ǵasyrǵa jýyq ýaqyt aralyǵynda atqarǵan aýqymdy isteri otandastarymyzdyń kóńil údesinen shyqty. Bul paıymymyzdy kóziqaraqty qaýym joqqa shyǵara almas. Búginde elimizde áleýmettik-ekonomıkalyq baǵytta kóptegen jańǵyrýlarmen qosa, memleketimizdiń saıası arenasynda da oń ózgerister oryn alýda. Bul tarapta sony tásilder men tyń tehnologııalar qoldanysqa enýde. Sonyń biri – partııaishilik irikteýdi ótkizý. Elbasy, partııa tóraǵasy Nursultan Ábishuly atalǵan bastama týrasynda: «Bul partııa atynan máselelerdi sheshetin eń belsendi jáne senimdi múshelerdi anyqtaýǵa múmkindik beretin durys sheshim dep sanaımyn» deı kele, bıylǵy jyldyń 17 tamyzy men 3 qazany aralyǵynda praımerız ótkizý týraly Qaýlyǵa qol qoıdy. AQSh, Ońtústik Koreıa, Eýropanyń birqatar damyǵan memleketterinde qoldanysqa engizilgen bul tásil saýatty da jaýapty, bilimdi de bilikti, qarym-qabileti bıik, ıntellektýaldy áleýeti joǵary azamattar úshin múmkindikterge jol ashatyn minber ispetti«, - dedi ýnıversıtet basshysy.
Osy rette ǵalym partııa qatarynda kóshbasshylyq qasıeti qalyptasqan jandardyń kóp bolýy – onyń bedeli men abyroıyn kóterýge jáne naqty istiń partııasy atanýyna serpin beredi degen oıyn jetkizdi.
«Praımerızdiń basty talaptarynyń biri – qalyptasqan qasań qaǵıdalarmen ǵana shektelip qalmaı, ózin-ózi udaıy hám úzdiksiz jetildirip otyratyn saıası, ǵylymı jáne shyǵarmashylyq protsess. Bul óz kezeginde partııa músheleriniń arasynda ózara básekelestik týdyryp, shynaıy demokratııalyq qadamdarǵa jol ashady. Al báseke «júzden – júırik, myńnan – tulpar» úzdikterdi anyqtaýǵa múmkindik beredi. Osy oraıda aıta ketý kerek, aldaǵy saılaýda jańa qabyldanǵan zańǵa oraı, partııa tiziminen túsetin úmitkerler quramynyń 30 paıyzy áıelder men jastardan quralý qajettigi kórsetildi. Bul – kópshilik qaýymnyń qoldaýyna ıe boldy. Sebebi halyq danalyǵynda aıtylǵandaı aqyl – jastan shyǵatyny dáleldeýdi qajet etpeıdi. Qazirgi kúnde «Nur Otan» elimizdiń jastary úshin kóptegen ıgilikti ister atqaryp jatqandyǵyn astyn syzyp atap ótken lázim»,- dedi ol.
Professor XXI ǵasyrda kóshbasshylyqqa tek jastar belsendi qoldaý kórsetken saıası uıym ǵana ıe bola alatyndyǵyn basa aıtady.
»Búginde «Jas Otan» músheleriniń sany eki júz myńǵa jýyqtaǵan. Bul árbir qala, aýdan men aýyldaǵy, óndiris jáne oqý oryndaryndaǵy jastardyń belsendiligin aıǵaqtaıdy. Osydan 19 jyl buryn kishigirim úıirmeden bastalǵan uıym búginde aýqymdy qozǵalys dárejesine jetip, úlken saıası kúshke aınaldy. Іrgeli saıası uıymnyń qolǵa alyp jatqan jańa saıası tehnologııalary partııanyń odan ári jańǵyrýyna serpilis bereri anyq. Sózimniń sońynda aldymyzda úlken maqsattar, bıik belester bar ekendigin aıtqym keledi. Olardan alqynbaı asý, belesterdi baǵyndyrý – bizdiń óz qolymyzda. Myzǵymas birlik pen tynymsyz eńbek, jasampazdyq pen jańashyldyq, jaýapkershilik bar jerde ǵana ıgi ister júzege aspaq», – dedi Gaýhar Aldambergenova.