Gaýhar Aldambergenova: «Nur Otan» - ilkimdi isterdiń uıytqysy
Onyń aıtýynsha, partııa egemendik dáýirindegi eldik isterdiń barlyǵyna atsalysyp, Elbasy Nursultan Nazarbaevtyń baıandy bastamalaryna árqashan qoldaý bildirip, salıqaly saıasatyn iske asyrýda belsendilik kórsetip keledi.
Osy jyldary aýqymdy isterge uıytqy bolǵan «Nur Otan» naqty nátıjeniń partııasy atanyp, otandastarymyzdyń kóńilinen shyǵa bildi.
«Qazirgi kúnde Qazaqstannyń eń iri saıası uıymynyń 247 fılıaly jáne 5600 bastaýysh partııa uıymy bar. Onda 1 mıllıonnan astam azamat qyzmet kórsetedi. Sońǵy jyldary ǵana partııaǵa el azamattarynan 140 myń ótinish túsken. Bul - partııanyń otandastarymyzdyń arasynda úlken senimge ıe bolǵandyǵynyń aıqyn kórinisi», - dedi Gaýhar Aldambergenova.
Qyzdar ýnıversıtetiniń rektory «Nur Otan» partııasy elimizdiń jastary úshin kóptegen ıgilikti ister atqaryp jatqandyǵyn da tilge tıek etti.
«XXI ǵasyrda kóshbasshylyqqa tek jastar belsendi qoldaý kórsetken saıası uıym ǵana ıe bola alady. Búginde «Jas Otan» músheleriniń sany eki júz myńǵa jýyqtaǵan. Bul árbir qala, aýdan men aýyldaǵy, óndiris jáne oqý oryndaryndaǵy jastardyń belsendiligin kórsetedi. Osydan 18 jyl buryn kishigirim úıirmeden bastalǵan uıym búginde aýqymdy qozǵalys dárejesine jetip, úlken saıası kúshke aınaldy. Elimizdiń jalyndy jastarynyń deni jasotandyqtardyń qatarynda», - dedi Gaýhar Tóremuratqyzy.
Gaýhar Aldambergenova irgeli saıası uıymnyń 20 jyldyǵy aıasyndaǵy tarıhı sezd saıası uıymnyń odan əri jańǵyrýyna serpilis bereri anyq ekendigin aıtady.
«Aldymyzda úlken maqsattar, bıik belester bar. Olardan alqynbaı asý, belesterdi baǵyndyrý - bizdiń óz qolymyzda. Myzǵymas birlik pen tynymsyz eńbek, jasampazdyq pen jańashyldyq, jaýapkershilik bar jerde ǵana irgeli ister júzege aspaq», - dedi ýnıversıtet rektory.