Gaýhar Aldambergenova: Elbasy - azattyqtyń arhıtektory
"Táýelsiz Qazaqstannyń Tuńǵysh Prezıdenti Nursultan Ábishuly Nazarbaevtyń 19 naýryz kúni jasaǵan məlimdemesin úlken tolǵanyspen qabyldadym. Óıtkeni, bul - tarıhı sát bolatyn. Shyn məninde táýelsiz Qazaqstannyń barlyq jetistikteri, búgingi keskin-kelbeti Nursultan Nazarbaevpen tyǵyz baılanysty. Elimiz egemendik alyp, təýelsizdiktiń təýekelshil jolyna bet alýynyń qaınar bastaýynda Elbasy turdy. Sondyqtan QR Tuńǵysh Prezıdentin azattyqtyń arhıtektory desek te bolady. Búginde əlemdegi eń úzdik damyǵan otyz eldiń qataryna kirýdi aldyna asqaq maqsat etip qoıyp, sol jolda orasan zor tabystarǵa qol artyp úlgergen mereıli memleketimizdiń irgesin qalap, qadamyn nyqtap, qabyrǵasyn turǵyzǵan, aınalasyn bekemdep, shańyraǵyn kótergen de Nursultan Nazarbaev edi. Salıqaly saıasattyń arqasynda Qazaq eli odan ármen damı beretinine Qazaq ulttyq qyzdar pedagogıkalyq ýnıversıtetiniń ujymy men stýdentteriniń senimi zor", - dep atap ótedi ýnıversıtet basshysy.
Sonymen qatar ol Nursultan Əbishuly qaı salada bolmasyn halyqty jeńisterge jeteleýshi, sol jeńister men jetistikterge dem berýshi bolǵanyn basa aıtady.
"Bizdiń elimizde osy kezge deıin qandaı bir qol jetken tolaǵaı tabystar bolmasyn, sonyń barlyǵyn da sizdiń qoltańbańyz, əkelik qamqorlyǵyńyz, basshylyq baǵdaryńyz bar. Tek sońǵy jyldardyń ózinde sizdiń uıytqy bolýyńyzben qanshama irgeli ister, baıandy baǵdarlamalar qolǵa alyndy. Bul bastamalar - el ıgiligine aınalar irgeli isterge jol ashty, serpin berdi, - dedi Gaýhar Aldambergenova.
Ýnıversıtet rektory Tuńǵysh Prezıdenttiń úlken senimi men qamqorlyǵynyń arqasynda qazaq qyzdarynyń parasat mektebi - Qyzdar ýnıversıtetine «Ulttyq» mártebesin berilýi 75 jyldyq tarıhy qarashańyraq bilim ordasynyń aldyna úlken mindetter qoıǵanyn aıtty. Bedelin arttyryp, ujym aldynda zor jaýapkershilik júktegendigine atap ótti.
"Elbasynyń «Bir qyzdy tárbıeleý - bir ultty tárbıeleýmen birdeı» degen ulaǵatty sózin ustanym etip alǵan ýnıversıtet ujymy óz qyzmetinde qazaqstandyq patrıotızmdi, «Máńgilik el» jalpyulttyq ıdeıasyn basty baǵdar retinde ustaıdy. Bul - elimizdiń mártebesin arttyryp, ózge jurtpen terezesin teń etken, aıbynyn asyryp, bedelin tasytqan Tuńǵysh Prezıdentke degen zor qurmettiń aıqyn nyshany", - dedi ol.