Gaýhar Aldambergenova: Basty mindet – karantın erejelerin qatań saqtaý
«Qazaqstanda aýyrǵandar sany aıtarlyqtaı kóp, qaıtys bolǵandar da az emes. Osyǵan oraı Memleket basshysy 13 shilde – Ulttyq aza tutý kúni bolyp belgilengenin atap ótti. Bul – aty jaman indetten o dúnıelik bolǵan otandastarymyzdyń, asyl azamattarymyzdyń aldyndaǵy paryz dep uǵynǵan abzal. Sonymen qatar Prezıdent qazaqstandyqtardy eki aptaǵa belgilengen karantın sharalaryn qatań saqtap, sanaly túrde áreket etýge shaqyrdy»,- dep atap ótti rektor.
Prezıdenttiń aıtýynsha, erejelerdi eskergende ǵana nátıje bolmaq.
Bul oraıda Memleket basshysy koronavırýstyń taralýyna baılanysty densaýlyq saqtaý júıesine kóp aýyrtpalyq túskendigin atap ótti. «Degenmen, qalyptasqan jaǵdaıǵa qaramaı, memleket tarapynan barlyq qajetti sharalar qabyldanyp jatqandyǵyn da eskergen lázim».
Qazaq ulttyq qyzdar pedagogıkalyq ýnıversıtetiniń rektory Qasym-Jomart Toqaevtyń dári-dármektiń jetkiliksizdigi jaıyna aıtqan oılaryn da quptap otyr. «Shyndyǵyn aıtqan jón, búginde medıtsınalyq preparattardyń dárihanalarda bolmaýy jurtshylyqtyń ashý-yzasyn týdyryp jatqany ras. Bar bolǵan kúnniń ózinde baǵasynyń birneshe ese kóterilgendigi týrasynda áleýmettik jelide jazylyp ta, aıtyp ta jatyr. Prezıdent qajetti dári-dármekter qorynyń kóbeıetindigin, onyń baǵasyn negizsiz ósirip, qıyn-qystaý kúnderde paıda tabýdy kózdegender zań sheńberinde jazalanatyndyǵyn jetkizdi. Bul tarapta naqty tapsyrmalar berilip, jumystar kúsheıetindigin málimdedi. Memleket basshysy telearnalar arqyly dárigerlerdiń keńesi kóptep berilýi qajettigin de atap ótti», - dedi ol.
«Qazaqstan» Ulttyq telearnasy 9 shildeden bastap tikeleı efırde «Teledáriger» jobasyn bastaıdy. Elimizdiń bilikti dárigerleri bes kún boıy tikeleı efır arqyly kórermendermen baılanysqa shyǵyp, álemdi jaýlaǵan koronavırýspen kúresýdiń joldaryn túsindiredi. Baǵdarlama suraq-jaýap formatynda uıymdastyrylyp, stýdııaǵa kelgen mamandar tek kórermen tarapynan kelip túsken saýaldarǵa jaýap beredi.
«Negizgi maqsat – el turǵyndaryna, ásirese shalǵaı aýyl-aımaqtaǵy kórermenge qazirgi kúrdeli ahýalǵa baılanysty kúndelikti medıtsınalyq keńes berý. Dárigerler tikeleı efır barysynda COVID-19 vırýsy men ózge de aýrýlardan saqtaný men aldyn alý sharalary, emdeý tásilderi týraly nusqaýlyq beredi. Qolǵa alynyp jatqan is-sharalardyń kózdegen maqsaty bir. Aty jaman indetti aýyzdyqtaý, ult saýlyǵyn qalyptastyrý, azamattardy aýrýdan arashalaý», - deıdi Gaýhar Aldambergenova.
Keshe Prezıdent Qasym-Jomart Toqaev respýblıkalyq telearnalar arqyly pandemııaǵa oraı elimizde qalyptasqan ahýalǵa baılanysty televızııalyq úndeý jarııalaǵan bolatyn.