Gaýez Nurmuhambetov SQO-nyń negizgi damý baǵyttaryn atady

<p>Soltústik Qazaqstan oblysynyń ákimi Gaýez Nurmuhambetov óńir damýynyń negizgi baǵyttaryn atady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Búginde Soltústik Qazaqstan oblysy – astyqty, agrarlyq óńir. Keshelekte biz ekonomıkanyń agrarlyq sektoryn, jol qurylysyn, ónerásipti, áleýmettik ınfraqurylymdy jáne adamdardyń ómir sapasyn jaqsartý úshin Memleket basshysy júktegen barlyq mindetterdi damytatyn bolamyz», - dedi óńir ákimi Ortalyq kommýnıkatsııalar qyzmetindegi brıfıngte agenttik tilshisiniń saýalyna oraı.

Gaýez Nurmuhambetov Soltústik Qazaqstan oblysyn damytý jónindegi keshendi jospardyń qabyldanǵanyn atap ótti.

«Ol agrarlyq sektor, ónerkásip, shaǵyn jáne orta bıznesti, áleýmettik ınfraqurylym sııaqty ekonomıkanyń túrli sektorlaryn damytýdy qamtıdy. Biz osy baǵdarlamalardyń bárin basty nazarda ustaımyz. Olar jyl saıyn ózektendirilip otyrady jáne osy baǵytta jumys isteımiz», - dedi oblys basshysy.