«Gaýhartas» qoıylymy 1 jylda rekordtyq kórsetkish jasady

<p>ASTANA. KAZINFORM &ndash; Búgin Astana qalasy ákimdiginiń Mýzykalyq jas kórermen teatrynyń &laquo;Gaýhartas&raquo; mýzykalyq dramasy premerasynyń ótkenine týra 1 jyl toldy.</p>

Halyqtyń kózaıymyna aınalǵan «Gaýhartas» mýzykalyq dramasy, kórermen nazaryna 165 márte sahnalanyp elimizdiń teatr keńistiginde rekordtyq kórsetkish jasady.

Qoıylym kórnekti jazýshy-dramatýrg Dýlat Isabekovtiń eń alǵashqy tyrnaqaldy kólemdi prozalyq týyndysy «Gaýhartas» povesiniń sahnalyq nusqasy — mýzykalyq drama janryndaǵy qoıylymǵa jetpisinshi jyldardaǵy ata kásip shopandyqpen aınalysyp, qarapaıym ǵana tirshilik keshken shaǵyn otbasynyń shynaıy ómiri men kisilik kelbetteri arqaý bolǵan.

Foto: Mýzykalyq jas kórermen teatry

Qoıylymnyń (qoıýshy rejısseri — Ashat Maemırov) jetistikterine toqtala ketsek, qoıylymdaǵy keıipker Saltanattyń rólin teatrymyzdyń aktrısasy Inabat Rızabekova somdaıdy. Ol osy qoıylymdaǵy «Saltanat» róli úshin «Synshylar júldesi — 2023» marapattaý keshinde «Jyl aktrısasy-2023» nomınatsııasyna ıe boldy.

Foto: Mýzykalyq jas kórermen teatry

«Gaýhartas» mýzykalyq dramandaǵy halyq áni «Qudasha» áni men bıi áleýmettik jelilerde sanaýly saǵatta mıllıonnan asa qaralam jınap, hıtke aınaldy. Tipti, Qytaı elindegi jastardyń beınejazbasy da taraǵan bolatyn.

Foto: Mýzykalyq jas kórermen teatry

Sondaı-aq, «Gaýhartas» mýzykalyq dramasy jaqynda «UMAI-2023» ulttyq júldesiniń «Teatr óneri» nomınatsııasy boıynsha: «Úzdik spektakl» nomınatsııasyn ıelengen bolatyn.