Ǵasyr ortasynda megapolısterdiń dáýiri týady - QR Prezıdenti

ASTANA. QazAqparat - Ǵasyr ortasynda megapolısterdiń dáýiri týady. Bul týraly búgin Global Challenges Summit 2018 forýmynyń jalpy otyrysynda Qazaqstan Prezıdenti Nursultan Nazarbaev aıtty, dep habarlaıdy QazAqparat tilshisi.

«Birikken Ulttar Uıymynyń baǵalaýynsha, ǵasyr ortasynda qalalarda turatyn halyqtyń sany 7 mlrd adamǵa jetetin bolady. Buǵan qosa, iri aglomeratsııalarǵa halyqtyń gıpershoǵyrlanýy oryn alady. Megapolıster dáýiri týady jáne olardyń arasynda básekelestik bolady. Investıtsııa, úzdik aqyl-oı, tehnolııalar úshin kúres júrip, olarǵa barlyq jaǵdaı jasalady. Ekonomıka úshin ıdeıa men bilim mańyzdy», - dedi Qazaqstan Prezıdent .

Elbasy osy rette Qazaqstan aglomeratsııany damytý strategııasyn júzege asyra bastaǵanyn atap ótti.

«Eger bizde, burynyraqta mıllıon turǵyny bar bir ǵana qala - Almaty bolsa, endigi ýaqytta Astana, Shymkent qalalary qosyldy. ıAǵnı úsh qala boldy. Bul protsess jalǵasa beretin bolady. Sondyqtan da elordamyzdyń 20 jyldyǵyn merekeleý aıasynda 5 shilde kúni Uly Jibek joly boıynda ornalasqan elderdiń iri qalalarynyń forýmyn ótkizý tosynnan qolǵa alynyp otyrǵan joq», - dedi Nursultan Nazarbaev.