Gastello erligin qaıtalaǵan qazaq - baspasózge sholý
***
«Bıylǵy Uly Jeńis kúni qarsańynda qazaqtyń taǵy bir arys uly týraly tyń derek qolǵa tıip, sony qalyń jurtqa jetkizbek nıettemiz» dep jazady búgin «Egemen Qazaqstan» gazeti. Bul batyr - Nurman Ysqaqbaıuly Týǵanbaev. Basylymnyń habarlaýynsha, Nurman Týǵanbaev Almaty oblysy, Jambyl aýdanynyń Aqqaınar aýylyndaǵy orta mektepti bitirgennen keıin Almaty qalasyndaǵy ushqyshtar daıyndaıtyn ýchılışege túsip, ony úzdik bitirip shyǵady. 1939 jyly oblystyq áskerı komıssarıattyń shaqyrýymen Otan aldyndaǵy azamattyq boryshyn óteýge attanady. «Ash qasqyrdaı antalaǵan jaýdy qarys qadam bastyrmaı, qadamyn ashtyrmaı, jaıratyp júrgen jalyn júrek jigit 1944 jyldyń 5 tamyzynda ushaǵyna qarsylastyń zenıtti artıllerııasynan atylǵan snarıad tıip mert bolady. Otqa oranǵan áýe kemesi tapsyrmany aıaǵyna jetkizip baryp, jerge qulapty. Bul týraly ıAO-000001 №59065 kýálikte taıǵa tańba basqandaı kórsetilgen» delingen maqalada. N.Týǵanbaevtyń erlikke toly qyrshyn ómiri týraly tolyǵyraq «Egemen Qazaqstan» gazetiniń búgingi sanynda jaryq kórgen «Gastello erligin qaıtalaǵan qazaq» atty maqaladan oqı alasyzdar.
«Egemen Qazaqstan» gazeti sondaı-aq búgin Qazaly óńiriniń jeke kásipkeri Nurbek Qazbergenovtiń kámpıt óndirisi týraly jazady. «Ázirlegen ónimderiniń joǵary sapasymen ataǵy Syr óńirinen asyp ózge aımaqtarǵa tanylǵan Qazbergenovter erekshe kámpıttiń jalbyz (aşy), barbarıs, salomka (bor kámpıt), ala kámpıt ózge de túrlerin daıyndaıdy. Bulardyń arasynda qoldan daıyndalatyny da, arnaıy qondyrǵymen jasalatyny da kezdesedi. Qazbergenovter 20-ǵa tarta adamdy turaqty jumyspen qamtyp otyr. Olarǵa kidirissiz jalaqy tóleý, zeınetaqy qoryna qarjy aýdarý, taǵy basqa tólemder sheshimin taýyp, eńbek sharty da zańǵa sáıkes jasalǵan» dep jazady basylym. Bul týraly tolyǵyryq basylymnyń búgingi sanynda jaryq kórgen «Qazalynyń konfeti Qazaqstanǵa taraıdy» atty maqaladan oqı alasyzdar.
***
«Aıqyn» gazeti búgin «Yntymaǵy joq elden yrys ketedi» atty maqala usynyp otyr. «Osy ýaqytqa deıin eki ret saıası daǵdarysty basynan ótkizgen Ýkraına búgin ushpaqqa jetti me? Burynǵy qalyptasqan naryqty buzyp, Eýroodaqqa múshe bolǵysy kelgen eldiń búgingi áleýmettik hali óte nashar ekenin aıtpaı-aq uǵýǵa bolady. El ekonomıkasynyń osynshama tómen quldyraýynyń sebebi nede? Eń birinshiden, memlekette turaqtylyqtyń bolmaýy. 2004-2005 jyldardaǵy saıası daǵdarystan keıingi el ishindegi 10 jylǵy so-zylǵan baqtalastyq pen taq talastardyń áreketi 2014 jyly taǵy bir memlekettik tóńkeriske alyp keldi. Bılikke eýropashyl jańa top kelgenimen, arada eki jylǵa jýyq ýaqyt ótse de, jaǵdaı jaqsara qoıǵan joq» dep jazady basylym. Bul týraly «Aıqynnyń» búgingi sanyndaǵy osy maqaladan tolyǵyraq oqyp, bile alasyzdar.
***
«Ekspress K» basylymynyń habarlaýynsha, birneshe kún buryn Almatyda aıaq asty joǵalǵan Sanjarbek Árzıevtiń denesi Esentaı ózeninen tabylǵan. «Sanjarbek óziniń týǵan kúninde, ıaǵnı, 30 sáýir kúni dostarymen saýyq keshine bara jatyp, jolda izim-qaıym joǵalǵan. Polıtsııa kóshedegi beıne baqylaý kameralarynyń jazbasyna qarap, bozbala ózenge qulap ketýi múmkin degen tujyrym jasaǵan. Osylaısha, qalanyń ishki ister departamenti tabıǵı resýrstar basqarmasyna ózenniń aǵynyn azaıtýdy tapsyrǵan. Іzdeý jumystary kezinde marqumnyń denesi ózenniń Rysqulov dańǵylyna taıaǵan jerden tabylǵan. Qazir qosymsha sharalar júrgizilip jatyr» dep jazady basylym. Bul týraly tolyǵyraq «Ekspress K» gazetiniń búgingi sanyndaǵy «Den rojdenııa strashnyı prazdnık» atty maqaladan oqı alasyzdar.