Ǵasyr jasaǵan almatylyq maıdanger úıinde daýys berdi
Almaty qalasynda turatyn soǵys ardageri Vıktor Izıýmnıkov konstıtýttsııalyq quqyǵyn paıdalanyp, úıinde daýys berdi. Qart maıdanger áli kúnge deıin tyń, jigerin joǵaltpaǵan.
— 100 jasqa kelip, ǵasyr toıyma jettim. Eseli eńbek etip, elimizdiń órkendeýine mol úles qostym dep oılaımyn. Búgin bolashaq urpaq úshin óz tańdaýymdy jasadym. Jastarǵa meniń jasymdy bersin, — dedi soǵys ardageri.
Vıktor Izıýmnıkov - II dárejeli «Otan soǵysy» ordeniniń ıegeri.
Osyǵan deıin, Qyzylorda oblysynda 103 jastaǵy maıdanger ıAhııa Tasyrov óz tańdaýyn jasaǵan bolatyn.
Sondaı-aq Almaty oblysy, Kegen aýdanynda turatyn 103 jastaǵy keıýana ýchaskege bala-shaǵasymen birge keldi.
Aıta keteıik, Almatyda jalpyhalyqtyq referendýmda daýys berý 624 ýchaskede júrip jatyr. Onyń 549-y azamattardy turaqty tirkeý oryndary boıynsha bolsa, al 75-i — aýrýhanalar, sanatorııler jáne áskerı bólimder sııaqty ýaqytsha ornalasqan oryndar.
Sondaı-aq, 172 ýchaskede tirkeýdi tekserý servısteri ornatylady. Olar daýys berýshiler ózin tiziminen tappaǵan jaǵdaıda qoldanylady.
Megapolıste 1,2 mln astam adam daýys berýge quqyly.