Ǵaryshtaǵy zertteýler boıynsha Qazaqstannyń baǵdarlamasy oryndaldy - Aıdyn Aıymbetov

ASTANA. QazAqparat - Búgin Astana áýejaıynda QR Prezıdenti Nursultan Nazarbaevpen kezdesý barysynda Qazaqstan ǵaryshkeri Aıdyn Aıymbetov zertteý baǵdarlamasy oryndalǵanyn habarlady.

Aıta keteıik, búgin elordada «Soıýz TMA-16M» ǵarysh kemesiniń halyqaralyq ekıpajyn qarsy alýǵa arnalǵan saltanatty shara ótti. «Zertteýler boıynsha Qazaqstannyń baǵdarlamasy oryndaldy. Nursultan Ábishuly, Sizdiń basshylyǵyńyzben bizdiń elimiz alǵa jyljyp, ǵarysh salasy damyp kele jatqandyǵyna óte qýanyshtymyn», -dedi A. Aıymbetov. Sonymen qatar ǵaryshta tapsyrylǵan baǵdarlamalar túgeldeı oryndalǵanyn reseılik ǵaryshker de quptady. «Búgin halyqaralyq ǵarysh ekıpajyndaǵy úsh eldiń ókili, ıaǵnı Qazaqstan, Reseı jáne Danııanyń ǵaryshkerleri sapardyń barlyq baǵdarlamasyn oryndap, qonaqjaıly Qazaqstan jerine aman-esen qondy. Barshamyz úshin bul úlken mereke. Búgin bizdi qarsy alý sharasynda kóptegen jastardy baıqadym. Bul óz kezeginde jas býynǵa úlgi kórsetýdiń jarqyn joly», - dedi Gennadıı Padalka (Reseıǵarysh). Óz kezeginde Danııanyń alǵashqy astronavty Andreas Mogensen halyqaralyq ǵarysh ekıpajy óz jumysynda joǵary nátıje kórsetkendigin atap ótti. «Birlese otyryp qandaı jetistikterge qol jetkize alatyndyǵymyzdyń jarqyn úlgisin kórsettik. Osy turǵyda jasalǵan jaǵdaılar úshin Qazaqstanǵa úlken alǵysymdy aıtamyn», - dedi A. Mogensen.