Ǵaryshkerlerdi kútip alý úshin RF áskerı avıatsııasy Qazaqstanǵa jiberildi
08:01, 05 Qyrkúıek 2016
ASTANA. QazAqparat - "Soıýz TMA-20M" basqarylatyn kóliktik kemesindegi halyqaralyq ekıpajdy kútip alý úshin RF Ortalyq áskerı okrýginiń Kólik avıatsııasy Qazaqstanǵa izdeý jáne qutqarý quraldaryn jiberedi.
Bul týraly okrýg baspasóz qyzmeti habarlady.
«Soıýz» qonýynda izdestirý-qutqarý jumystarymen qamtamasyz etý jumystaryna 150 áskerı qyzmetker, arnaıy jabdyqtalǵan 12 Mı-8 tikushaqtary, 3 An-12 jáne An-26 ushaqtary jáne ótimdiligi joǵary 6 izdestirý-kóshirý mashınalaryn qosqanda, 18 dana avtotehnıka qatysady», - delingen habarlamada.
"Soıýz TMA-20M" ǵarysh kemesi apparatynyń qonýy 2016 jyldyń 7 qyrkúıegine, Máskeý ýaqytymen 04:15-ke josparlanǵan. Uzaqqa sozylǵan ekspedıtsııa ekıpajynyń quramynda ǵaryshkerler Alekseı Ovchının, Oleg Skrıpochka jáne NASA astronavty Djeffrı Ýıllıams bar, dep habarlaıdy TASS.