Ǵaryshkerler qataryna qosylý úshin meni eń birinshi medıtsınalyq komıssııaǵa M.Altynbaev jibergen - A.Aıymbetov

ASTANA. QazAqparat - Búgin Tuńǵysh Prezıdent atyndaǵy Ulttyq Qorǵanys ýnıversıtetinde Halyq Qaharmany, senator, eki ret Qorǵanys mınıstri bolǵan Muhtar Altynbaevtyń 70 jasqa tolýyna oraı «M.Altynbaev: Generaldyń joly. Erlik pen dańqtyń jyldary» atty ǵylymı-praktıkalyq áskerı konferentsııa ótti. Konferentsııaǵa qatysqan Halyq Qaharmany, táýelsiz Qazaqstannyń tuńǵysh ǵaryshkeri, polkovnık Aıdyn Aıymbetov M.Altynbaevtyń aǵalyq qamqorlyǵy men áskerı iskerligi týraly aıtyp berdi.

«Muhtar Qapashuly - jeke men úshin áskerı ushqyshtyń úlgisi. Qazaqstan táýelsizdigin endi alǵan kezde Muhtar Altynbaev áskerı qyzmette edi, ómirin Otan qorǵaýǵa arnaǵan azamat. Ushqyshtan bastap Qorǵanys mınıstri qyzmetine deıin órledi. Bul da bolsa Muhtar Qapashulynyń qyzmetke adal ekenin baıqatady. Sondyqtan, Muhtar Altynbaevtyń mereıtoıyna arnalǵan konferentsııanyń bizge de, jastarǵa da bereri mol»,-deıdi A.Aıymbetov.

Ǵaryshker Muhtar Altynbaevty ushaqtyń barlyq túrin ıgergen ushqysh retinde de úlgi tutatynyn atap ótti. «Muhtar Altynbaev - ushaqtyń barlyq túrin ábden meńgergen ushqysh. Bul kisiniń áskerı iskerliginen bólek, aǵalyq qamqorlyǵyn da aıta ketkim keledi. Dál M.Altynbaevtyń buıryǵymen men ǵaryshkerler otrıadyna qosylý úshin eń birinshi medıtsınalyq komıssııaǵa joldama alǵan edim»,-dep eske salady A.Aıymbetov.