Ǵaryshqa taǵy bir qazaqstandyq usha ma - mınıstrlik jaýaby

ASTANA. QazAqparat - QR Qorǵanys jáne aeroǵarysh mınıstrligi taǵy bir qazaqstandyqtyń ǵaryshqa ushýy múmkin degen sózdi joqqa shyǵardy, dep habarlaıdy QazAqparat.

QR Qorǵanys jáne aeroǵarysh mınıstrliginiń Aeroǵarysh komıteti birqatar BAQ-ta jarııalanǵan qazaqstandyq ǵaryshkerdiń reseılik ǵarysh kemesiniń ekıpajy quramynda ushady degen aqparattyń shyndyqqa janaspaıtyndyǵyn habarlady. 

«Aqtóbelik planetarııdiń 50 jyldyǵyn merekeleý barysynda suhbat bergen Qazaqstan Respýbılkasynyń Halyq qaharmany, ushqysh-ǵaryshker Aıdyn Aıymbetovtiń atalǵan máselege qatysty sózi aǵat túsindirilgen. Qazirgi ýaqytta A.Aıymbetov Qazaqstannyń Jerdi qashyqtan zondtaý jáne joǵary dáldikti spýtnık navıgatsııa ǵaryshtyq júıesiniń ulttyq operatory sanalatyn «Qazaqstan ǵarysh sapary» ulttyq kompanııasy» AQ-nyń vıtse-prezıdenti  laýazymyn atqarady. Búginde Qazaqstan Úkimeti qazaqstandyq ǵaryshkerdi ǵaryshqa ushyrý máselesin qarastyryp otyrǵan joq», - delingen atalǵan komıtet taratqan aqparatta.

Aıta keteıik, keshe birqatar jergilikti jáne respýblıkalyq buqaralyq aqparat quraldary Aıdyn Aıymbetovtiń  ǵaryshqa taǵy bir qazaqstandyqtyń ushatyndyǵy týraly aıtqanyn jazǵan bolatyn.