«Ǵarysh salasy kóshten qalmaıdy» - respýblıkalyq basylymdarǵa sholý

ASTANA. 20 qyrkúıek. QazAqparat /Aıdar Ospanalıev/ - Qazaq aqparat agenttigi respýblıkalyq basylymdarda 20 qyrkúıek, seısenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymynyń búgingi sanynda «Ǵarysh salasy kóshten qalmaıdy» atty maqala jarııalandy. Maqalaǵa keshe Parlament Májilisinde ótken Úkimet saǵatynda kóterilgen máseleler arqaý bolǵan. Basylymnyń jazýynsha, qa­zir «KazSat» spýtnıktik baıla­nys jáne taratý júıesi jasalýda. Sonyń negizinde «KazSat-2» «KazSat-3» jobalary jáne ǵa­rysh­tyq apparattardy jerden bas­qarý rezervtik kesheni jumys­tary júzege asyrylýda. Ústi­miz­degi jyldyń 16 shildesinde «KazSat-2» ǵarysh apparaty «Baı­qońyr» ǵarysh aılaǵynan ushy­rylsa, onyń jer orbıtasyndaǵy jaǵdaıy qazan aıynyń sońyna deıin synalyp bitýi tıis.

Sondaı-aq atalmysh basylym búgingi sanynda «Іs jandanyp senim nyǵaıýda» degen taqyryppen maqala basty. Basylymnyń habarlaýynsha, Eńbek jáne halyqty áleý­mettik qorǵaý mınıstri Gúlsha­ra Ábdiqalyqova jumys saparymen Shortandy, Bulan­dy jáne Zerendi aýdandarynda bolyp, Elbasy N.Na­zar­baev­tyń «Bola­shaq­tyń irgesin birge qalaımyz!» atty bıylǵy Joldaýynan tý­yndaıtyn mindetterdi oryndaýǵa baǵyt­tal­ǵan «Jumyspen qam­tý-2020» baǵdarlamasynyń oryndalý barysymen ta­nysty. Osy sapar barysynda kóterilgen máseleler týraly jáne Eńbek jáne halyqty áleýmettik qorǵaý mınıstrliginiń bolashaq josparlary jóninde «Egemen Qazaqstannyń» búgingi sanynan bilýge bolady.

***

«Aıqyn» basylymynyń búgingi sanynda QR jáne birqatar shetelderdiń 13 memlekettik marapatynyń ıegeri, áıgili dıplomat Nájimeden Esqalıevpen bolǵan «Keden odaǵynyń qurylýyn quptaımyn», - degen taqyryppen suhbat jarııalandy. N.Esqalıevtiń aıtýynsha, Keden odaǵyn qurý quptaarlyq is. «Bul ekonomıkalyq baılanystardy nyǵaıtyp, taýar aınalymyn jaqsartady. Biraq bizdiń taýar óndirisimiz áli álsiz... Qytaı - alyp kórshimiz. Ári onyń ekonomıkasy qaryshty damýda. Kórshi bolǵasyn aralas-quralas bolǵan durys, árıne. Alaıda atalmysh memleket halqy óz aýmaǵyna syımaı tasyp-tógilip jatqan el. Týra osy faktorǵa asa saqtyqpen qaramasa bolmaıdy. Bul eldiń azamattary ózderi qonystanyp úlgergen basqa bir memleketten ońaıshylyqpen kete qoımaıdy», - deıdi. Dıplomattyń Kedendik odaq pen qoǵam ómirine qatysty oı-pikirlerin bilgińiz kelse, «Aıqyn» basylymynyń búgingi sanyn qarańyz.

Sondaı-aq osy basylymnyń jazýynsha, ótken jyly Úkimet Taraz qalasynyń Bas josparyn bekitip, osyǵan oraı oblys ortalyǵyna kórshi jatqan Baızaq, Jambyl aýdandarynan barlyǵy - 5954,0 gektar jer qosyldy. Sóıtip, ótken jyldyń aqpan aıynda Úkimettiń «Jambyl oblysy Taraz qalasynyń jáne Baızaq, Jambyl aýdandarynyń ákimshilik shekaralaryn ózgertý týraly» №113 Qaýlysy shyqty. Al osy kúni atalmysh qaýlyǵa sáıkes, atqarylýy tıis jumystar qalaı júzege asyrylýda. Bul saýaldyń jaýabyn «Aıqyn» basylymynyń búgingi sanynda jarııalanǵan «Taraz endi tarylmaıdy» atty maqaladan bilýge bolady.

***

«Alash aınasy» basylymy búgingi sanynda «Paıdasynan zııany kóp dárilerge shekteý bola ma?» degen maqala jarııalap, úlken másele kóteripti. Basylymnyń habarlaýynsha, elimizdegi farmokologııalyq baqylaý salasynyń mamandary jýyrda 10 preparatty tekserýden ótkizgen. Jaǵdaı jaǵa ustatarlyqtaı. Súzgiden ótken dárilerdiń 20 paıyzy jaramsyz bolyp shyqqan. Eń qorqynyshtysy, olardyń nusqaýlyǵyndaǵy dári týraly málimetter, quramy saı kelmeıdi. Nusqaýlyq aıdalaǵa laǵyp ketken. Mamandardyń tekserý qorytyndysy múldem bólek bolyp shyqqan. Jyl basynan beri elimiz boıynsha 20 adamnyń dáriden ýlaný faktisi tirkelgen.

Sondaı-aq osy basylymnyń jazýynsha, jýyrda Qytaı, Reseı Tájikstan jáne Ózbekstannyń Birikken Ulttar Uıymyndaǵy turaqty ókilderi birlesken túrde BUU-yń Bas hatshysy Pan GI Mýnǵa ótinish

hat joldady. Álemdik uıymnyń 66-shy sessııasy barysynda tanystyrylatyn hatta aqparat salasyndaǵy qaýipsizdik jónindegi halyqaralyq kodeks engizýge ótinish aıtylady. Tórt memlekettiń ókilderi mundaı kodekstiń ózindik bir nusqasyn usynyp ta úlgerdi.

Onda halyqaralyq normalar men erejelerge súıene otyryp, memleketterdiń aqparat salasyndaǵy ózara qarym-qatynasy naqty kórsetilýi kerektigi aıtylady. Bul másele jóninde «Alash aınasy» basylymynyń búgingi sanyndaǵy «Jańa álemge aqparattyq shekara kerek» atty maqaladan bilýge bolady.

***

«Kazahstanskaıa pravda» basylymynyń jazýynsha, II halyqaralyq ǵylymı konferentsııada «Han molasy» kesenesin zertteý jumystarynyń nátıjeleri jarııa etildi. El táýelsizdiginiń 20 jyldyǵyna arnalǵan ǵylymı forým Majarstan, TMD jáne elimizdiń 50-den astam tarıhshy, arheolog, etnolog, ónertanýshylar men ǵylymı-zertteý ınstıtýttary ókilderiniń bastaryn qosty. Jıynnyń taqyryby Eýrazııanyń mádenıet tarıhyndaǵy «Aral-Kaspıı» óńiriniń róli máselesine arnaldy. Ǵalymdardyń málimdeýlerinshe, Azııa men Eýropanyń túıisken tusynda Aral-Kaspıı óńiri úlken ról atqardy. Bul týraly «Kazahstanskaıa pravda» basylymynyń búgingi sanyndaǵy «Taıat holmy zagadkı» atty maqaladan bilýge bolady.