Ǵarysh monıtorıngi arqyly 5 óńirden esirtki alqaptary anyqtaldy - Baǵdat Mýsın

NUR-SULTAN. QazAqparat – Ǵarysh monıorıngi júeısiniń kómegimen Qazaqstannyń 5 óńirinen esirtki ósirilgen alqaptar anyqtaldy. Bul týraly Facebook-te QR Іshki ister mınıstrligimen birlese otyryp atqarylǵan jumystar týraly jazǵan QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat.

«Biz ІІM-men elektrondyq qujattandyrý, jedel basqarý ortalyǵy baǵytynda ǵana emes, ǵarysh monıtorıngi boıynsha da áriptestik ornatqanbyz. Qazaqstan ǵarysh sapary quqyq qorǵaýshy organdarmen birge «Qarasora» operatsııasyna qatysyp, ǵarysh monıtorıngi arqyly esirtki alqaptaryn anyqtap jatyr.

Bıyl 686 myń sharshy shaqyrymǵa monıtorıng jasalyp, 5 óńirden kannabıs egilgen jerler tabyldy. 2019 jyly kosmomonıtorıng arqyly 123 alqap anyqtalǵan»,-dep jazdy mınıstr.

Onyń sózinshe, ǵaryshtyq baqylaý KazEOSat-1 jáne KazEOSat-2 spýtnıkteri, sondaı-aq sheteldik spýtnıkter arqyly júrgiziledi. Mundaı alqaptar anyqtalǵan jaǵdaıda sol jerge Qazaqstan ǵarysh saparynyń qyzmetkerleri men ІІM arnaıy bólimshesi jiberiledi.

«Bul – erekshe qadaǵalaýdaǵy másele. ІІM-men belsendi jumysty ári qaraı jalǵastyryp, zamanaýı tehnologııalardy qoldaný arqyly qylmysqa qarsy is-sharalardy jetildirýge atsalysa beremiz»,-dedi Mýsın.

Foto: facebook.com/BagdatMussin