Garvard ýnıversıtetiniń basshysy qyzmetinen ketti

<p>Garvard ýnıversıtetiniń prezıdenti Klodın Geı Kongress jıyny kezinde antısemıtızm týraly suraqtarǵa bergen jaýabyna, sondaı-aq plagıat jaıly aıyptaýdan keıin otstavkaǵa ketti. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.bbc.com/russian/articles/cl4ed117g82o" target="_blank" rel="noopener">VVS</a>-ge silteme jasap habarlaıdy.&nbsp;&nbsp;</p>

Sońǵy aptalarda Klaýdın Geıge qysym kúsheıip, bul onyń qyzmetten ketýine ákeldi.

Ol óziniń otstavkasy týraly jarııalaǵan hatynda qyzmetten ketýi ýnıversıtettiń múddesi úshin ekenin aıtty.

«Men jekkórýshilikke jáne ǵylymı dáldikke qarsy turýǵa mindettemem kúmán týdyrǵanyna qatty muńaıdym», — dedi ol.

Aıtýynsha, bul sheshimge kelý ońaı bolmaǵan.

«Onyń ústine, bul — sózben jetkizý múmkin emes óte qıyn jaǵdaı», — dep jazdy doktor Geı.

Ol otstavkaǵa ketýi Garvardqa ony emes, ózin ınstıtýt retinde qorǵaýǵa múmkindik beretinin qosyp ótti.

Geı otstavka týraly hatynda oǵan jeke qoqan-loqqy kórsetilgenin, «násildik jaqtyrmaýǵa» ushyraǵanyn jetkizdi.

Ýnıversıtettiń basqarý organy Garvard korporatsııasynyń málimdeýinshe, doktor Geı burynǵy akademııalyq qyzmetine oralady.